टीम मंगळवेढा टाईम्स।
पंढरपूर-मंगळवेढा विधानसभा मतदार संघात मनसेने दिलीप धोत्रे यांना उमेदवारी दिली असून त्यांच्या प्रचाराचा शुभारंभ आज रविवारी दि.२२ सप्टेंबर मनसेचे युवानेते व विद्यार्थी सेनेचे प्रदेशाध्यक्ष अमित ठाकरे यांच्या हस्ते नारळ फोडून करण्यात येणार आहे.
दरम्यान, आज २२ सप्टेंबर रोजी मंगळवेढा येथे मनसे वतीने ‘मनसे केसरी’ कुस्ती स्पर्धेचे आयोजन करण्यात आले आहे. याचे उद्घाटन व विधानसभा निवडणूक प्रचाराचा शुभारंभ युवा नेते अमित ठाकरे यांच्या हस्ते मंगळवेढा येथे होणार आहे.
पंढरपूर- मंगळवेढा विधानसभा मतदार संघात मनसेने सर्वात पहिल्यांदा उमेदवार जाहीर केला असून मनसेचे उमेदवार दिलीप धोत्रे यांनी मतदार संघात विविध कार्यक्रम घेऊन मतदारांच्या गाठीभेटी घेण्यास सुरुवात केली आहे.
तसेच ग्रामीण भागातील वाड्यावस्त्यांवर मनसेचे कार्यकर्ते मतदारापर्यंत दिलीप धोत्रे यांचे काम पोहोचवत आहेत. दिलीप धोत्रे यांनी प्रचारात आघाडी घेतली असल्याचे दिसून येत आहे.
मंगळवेढा येथे आयोजित करण्यात आलेल्या कुस्ती स्पर्धेत ५ हजारापासून ते ५ लाखापर्यंत बक्षीस देण्यात येणार आहेत. कुस्तीच्या माध्यमातून प्रचार सुरू होणार आहे.
यापूर्वीही दिलीप धोत्रे यांनी पंढरपूर येथे डॉक्टर, वकील, बिल्डर लोकांना सन्मानित केले आहे. आता ते विविध तीर्थक्षेत्र यात्राही घडवून आणणार आहेत.
नुकतीच मुस्लिम समाजाला अजमेर येथे दर्शन घडवून आणले; तर आता इथून काशी, आयोध्या येथेही हिंदू धर्मातील मतदारांना घेऊन जाणार आहेत. तसेच ते नागपूर येथे दीक्षाभूमीलाही अनेक मतदारांना नेणार असल्याचे सांगण्यात आले.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
