धक्कादायक! मंगळवेढ्यात कोरोना झाला म्हणून एका महिलेची व एका युवकाची आत्महत्या

टीम मंगळवेढा टाईम्स ।

मंगळवेढा शहरात एका साठ वर्षीय महिलेने कोरोना झाला म्हणून विहीरीत उडी मारून आत्महत्या केली आहे. तर दुसऱ्या घटनेत कोरोना पॉझिटिव्ह आलेल्या एका ४५ वर्षीय या युवकाने शेतातील लिंबाच्या झाडाला गळफास घेऊन आत्महत्या केल्याची घटना सिध्दापूर येथे घडली आहे.

याबाबत पोलीस सूत्रांकडून मिळालेली अधिक माहिती अशी की, मंगळवेढा शहरात गुंगेगल्ली ता मंगळवेढा जि सोलापूर येथिल शालन विठ्ठल सूर्यवंशी (६०) यांना कोरोना तपासणी केली असता ती पॉझिटिव्ह आढळून आली आणि कोरोना झाला म्हणून त्यांनी उपचार घेण्याचे सोडून आपल्याला कोरोना झाला याचा स्वतःला मानसिक त्रास करून घेतला आणि याच टेन्शन मध्ये त्यांनी दि.३ मे रोजी सकाळी ९ वाजण्याच्या पूर्वी नगर पालिका शाळा नंबर २ च्या पाठीमागे असणाऱ्या गणेश विहिरीमध्ये असणाऱ्या पाण्यात उडी मारून आत्महत्या केली.

सदर घटनेची नोंद मंगळवेढा पोलीस ठाण्यात झाली आहे याची खबर सतिश दऱ्याप्पा दत्तू (वय.३८) या हॉटेल व्यवसाय करणाऱ्यानी पोलिस स्टेशन मंगळवेढा येथे दिली.

कोरोना पॉझिटिव्ह तरुणाची आत्महत्या

कोरोना पॉझिटिव्ह आलेल्या चंद्रकांत मारुती कोळी (वय ४५) या तरुणाने शेतातील लिंबाच्या झाडाला गळफास घेऊन आत्महत्या केली. ही घटना सिध्दापूर येथे घडली आहे.

दरम्यान, पोलिसांनी आकस्मिक मृत अशी नोंद केली आहे. खबर देणारे गंगाधर कोळी याचे वडील चंद्रकांत यांनी तांडोर हद्दीत भगवान महाराज यांच्या शेतातील लिंबाच्या झाडाला गळफास घेऊन आत्महत्या केली. डॉक्टरांनी मृताची कोरोना चाचणी केली असता कोरोना पॉझिटिव्ह असल्याचे सांगण्यात आले.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.