टीम मंगळवेढा टाईम्स।
तुम्ही माझ्या बहिणीला का मारले अशी विचारणा केल्यावर चिडून शिवीगाळ करुन हातातील काठीने व दगडाने मारुन एका 63 वर्षीय वृध्दास जखमी केल्या प्रकरणी गणेश तुकाराम बजवळकर (रा.कोळेगाव ता.माळशिरस) व अन्य चार इसम यांच्या विरुध्द गुन्हा दाखल झाला आहे.
पोलीस सुत्रांनी दिलेली माहिती अशी,यातील फिर्यादी बाळू श्रीमंत नरळे (वय 63 रा.बावची) हे दि.12 रोजी दुपारी 1.45 वाजता घरासमोरील कट्ट्यावर बसले असता फिर्यादीची सुन रेश्मा हिचा भाऊ तथा
आरोपी गणेश बजवळकर व त्याच्या सोबत मोटर सायकलवर आलेले अज्ञात पाच इसम येथे आले व त्यांनी तुम्ही माझी बहिण रेश्मा हिस का मारले? असा जाब विचारत शिवीगाळ करीत आरोपींनी काठी घेवून फिर्यादीच्या उजव्या हातावर व पाठीवर मारुन जखमी केले.
यावेळी फिर्यादीचे दोन्ही मुले व पत्नी ही भांडणे सोडविण्यास आले असता त्यांनाही आरोपींनी लाथा बुक्क्याने मारहाण केली
व त्यामधील एका आरोपीने खाली पडलेला दगड हातात घेवून फिर्यादीचा मुलगा शशिकांत यांचे डावे खांदेवर मारुन जखमी केले असल्याचे दिलेल्या फिर्यादीत म्हटले आहे.
तसेच सर्वांनी जाताना बहिणीला मारहाण का केली? आम्ही तुम्हाला सोडणार नाही अशी धमकी देवून आरोपी निघून गेले. भांडणाच्या झटापटीत सोन्याची चैन पडून गहाळ झाली असल्याचे तक्रारीत नमूद केले आहे. याचा अधिक तपास पोलीस करीत आहेत.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
