टीम मंगळवेढा टाईम्स।
सोलापूर जिल्ह्यासह मंगळवेढा तालुक्यामध्ये कार्यरत असलेल्या अनाधिकृत वैद्यकीय प्रयोगशाळा तंत्रज्ञ यांच्यावर चौकशी करून कारवाई करणेबाबतचे निवेदन उपविभागीय अधिकारी उदयसिंह भोसले यांना राष्ट्रवादी कॉंग्रेसच्या वतीने देण्यात आले.
या निवेदनाची प्रत पोलीस निरीक्षक यांना देण्यात आली मंगळवेढा शहर राष्ट्रवादी काँग्रेसचेच्या वतीने विजयकुमार खवतोडे सह सदस्य प्रदेश राष्ट्रवादी काँग्रेस(एस.सी. सेल) व राहुल शहा, प्रांतिक सदस्य राष्ट्रवादी काँग्रेस यांच्या हस्ते देण्यात आले.
यावेळी शहराध्यक्ष मुझमील काझी, युवक शहराध्यक्ष संदीप बुरकुल, प्रसिद्धी प्रमुख अशोक माने, युवक अध्यक्ष प्रज्वल शिंदे,दादा टाकणे,अरूण बांदल आदि उपस्थित होते.
कोरोनाचा वाढता प्रादुर्भाव लक्षात घेता सध्या ग्रामीण शहर व ग्रामीण भागात विविध तपासणीच्या नावाखाली रुग्णांची आर्थिक लूट होत आहे आणि त्यांच्याकडून देण्यात आलेले अहवाल देखील चुकीच्या पद्धतीने आल्यामुळे डॉक्टरांना पुढील उपचार करणे अडचणीचे ठरत आहे.
त्यामुळे तालुक्यांमध्ये कोरोना काळात मृत्यूचे प्रमाण वाढले आहे त्यामुळे सर्वसामान्य नागरिकांमध्ये भीतीचे वातावरण ठपसरले आहे हे वातावरण दूर करण्यासाठी यामध्ये असलेले गैरप्रकार कमी करून त्यामध्ये बोगसगिरी करणार्‍यावर कारवाई करण्याची मागणी राष्ट्रवादी काँग्रेसच्या वतीने करण्यात आले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
