मोठी खळबळ! पाच लाख लाचप्रकरणातील महेश कोळी व घायाळ हे पोलीस कर्मचारी अखेर निलंबीत; दोघांना ‘या’ ठिकाणी केले अटॅच

टीम मंगळवेढा टाईम्स ।

अर्ज चौकशीवरुन भविष्यात दाखल होणाऱ्या गुन्ह्यामधून आरोपींची नावे कमी करण्यासाठी दहा लाखाच्या लाचेची मागणी करुन पहिला हप्ता पाच लाख स्विकारताना लाचलुचपत विभागाने रंगेहाथ पकडलेले मंगळवेढयाचे पोलीस हवालदार महेश कोळी,

पोलीस अंमलदार वैभव घायाळ या दोघांना पोलीस अधिक्षक अतुल कुलकर्णी यांनी सेवेतून निलंबीत केले असून हा आदेश नुकताच मंगळवेढा पोलीस प्रशासनास प्राप्त झाला असल्याची माहिती डी. वाय. एस.पी. विक्रांत गायकवाड यांनी दिली.

वरील दोघा पोलीस कर्मचाऱ्यांनी श्री सिध्देश्वर माचणूर मंदिर परिसरात पाच लाखाची लाच घेताना दि.२५ जानेवारी रोजी सांगली लाचलुचपत विभागाच्या पथकाने रंगेहाथ पकडून वरील दोघाविरुध्द मंगळवेढा पोलीसात गुन्हा दाखल केला होता.

तपासिक अंमलदार सोलापूर लाचलुचपत विभागाचे डी. वाय. एस.पी. गणेश कुंभार यांनी अटक करुन पंढरपूर येथील जिल्हा सत्र न्यायालयात त्यांना उभे केल्यावर पहिल्यांदा दोन दिवसाची व पुन्हा दोन दिवसाची वाढीव पोलीस कोठडी मिळाली होती.

वरील दोघा विरुध्द गुन्हा दाखल होवून २४ तासापेक्षा ते अधिक काळ कारागृहात राहिल्याने त्यांना पोलीस अधिक्षक यांनी नुकतेच निलंबीत करुन

त्यांना सोलापूर ग्रामीण पोलीस मुख्यालय येथे अटॅच करण्यात आले असल्याचे सांगण्यात आले. दरम्यान त्या दोघा पोलीस कर्मचाऱ्यांना मंगळवारी न्यायालयाने जामीन मंजूर केला आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज