मंगळवेढा टाईम्स न्युज नेटवर्क ।
अर्ज चौकशीवरुन भविष्यात दाखल होणाऱ्या गुन्ह्यामधून आरोपी यांचे नाव कमी करण्यासाठी १० लाख ठरवून पहिला हप्ता ५ लाख स्विकारल्याप्रकरणी
आरोपी पोलीस हवालदार महेश कोळी व पोलीस अंमलदार वैभग घायाळ या दोघांना लाचलुचपत विभागाच्या पोलीसांनी अटक करुन पंढरपूर जिल्हा सत्र न्यायालयात उभे केले असता न्यायालयाने दोन दिवसाची पोलीस कोठडी सुनावली.
या घटनेची हकीकत अशी की, तक्रारदार यांच्या विरुध्द अर्ज आला होता त्या अर्जावरुन चौकशी होवून भविष्यात दाखल होणाऱ्या गुन्ह्यामधून आरोपी म्हणून असलेले नाव
कमी करण्यासाठी तसेच इतर नाइतेवाईक यांना गुन्ह्यामध्ये अटकपूर्व जामीन साठी मदत करणेकामी आरोपीने १० लाख रुपयाच्या रिकव्हरीच्या नावाखाली लाचेची मागणी करुन
त्यातील पहिला हप्ता ५ लाखाचा तिर्थक्षेत्र माचणूर येथील श्री सिध्देश्वर मंदिर परिसरामध्ये तक्रारदार यांच्या बोलेरो गाडीतून स्विकारताना सांगलीच्या लाचलुचपत पथकाने रंगेहाथ पकडले होते.
दरम्यान या प्रकरणी वरील आरोपी विरुध्द गुन्हा दाखल झाला असून सोलापूर लाचलुचपत विभागाचे डी.वाय. एस.पी.गणेश कुंभार यांनी वरील आरोपींना अटक करुन पंढरपूर येथील जिल्हा सत्र न्यायालयात उभे केले असता दोन दिवसाची पोलीस कोठडी सुनावली.
दरम्यान ५ लाख लाच प्रकरणात अन्य कोण सामील आहे का? याबाबत तपासिक अंमलदार चौफेर बाजूने कसून तपास करीत असल्याचे सांगण्यात आले.
मंगळवेढा तालुक्यातील बोराळे बीट सर्वात मोठे बीट म्हणून ओळखले जात असून आत्तापर्यंत बोराळे बीट मध्ये काम करणाऱ्या सलग दोन पोलीसांवर लाच प्रकरणातील गुन्हे दाखल झाल्याने बोराळे बीट एक वेगळ्याच चर्चेत आले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
