मंगळवेढा टाईम्स न्युज नेटवर्क ।
अंगावरील सोन्याची चोरी काढण्यासाठी शेतातील सालगड्यानेच मालकाचा निघृण खून करून त्याच्या मृतदेहाचे तुकडे करून पुरावा नष्ट करण्यासाठी ते तुकडे घरामागील शोषखड्ड्यात पुरून टाकले. ही घटना १४ डिसेंबर २०२४ रोजी घडली होती.
याप्रकरणी सचिन गिरी याच्यावर मोहोळ पोलिस ठाण्यात खुनाचा गुन्हा दाखल करण्यात आला आहे. याबाबत पोलिसांनी दिलेल्या माहितीनुसार, मूळचे मोहोळ तालुक्यातील यल्लमवाडी येथील कृष्णा नारायण चामे हे कुटुंबासमवेत पुणे येथे राहत होते.
यल्लमवाडी या त्यांच्या गावी ते १०, १५ दिवसातून येऊन जाऊन शेती करत होते. शेतातील द्राक्षांच्या बागेची औषधी फवारणी व इतर शेती कामासाठी त्यांनी धाराशिव जिल्ह्यातील सांघवी येथील सचिन भागवत गिरी याला कामाला ठेवले होते.
दरम्यान, दि.१४ डिसेंबर रोजी ९ वाजेदरम्यान त्यांच्या राहत्या घरातून दोन अज्ञात व्यक्तींनी दुचाकीवरून येऊन कृष्णा चामे यांच्या अंगावरील सोने घेण्यासाठी किंवा अज्ञात कारणास्तव त्यांचे अपहरण केले असल्याची फिर्याद त्यांचा मुलगा विश्वजीत चामे याने मोहोळ पोलिस ठाण्यात दिली होती.
त्यानुसार पोलिस निरीक्षक रणजीत माने यांच्या मार्गदर्शनाखाली या घटनेचा तपास सुरू होता, तपासादरम्यान पोलिसांनी परिसरातील सीसीटीव्ही कॅमेरे तपासले असता काही आढळून आले नव्हते,
तर चामे यांचा मोबाइल घरातच सापडल्याने शेतात काम करणारा सचिन गिरी याच्यावर पोलिसांचा संशय बळावला होता.
याबाबत पोलिसांनी गिरी याला ताब्यात घेऊन त्याच्याकडे अधिक चौकशी केली असता, त्याने पोलिसांना दिलेल्या कबुली जबाबामध्ये मालक कृष्णा चामे यांचा हातोड्याने मारहाण करून खून करून मृतदेहाचे चाकूने तुकडे करून पुरावा नष्ट करण्याच्या उद्देशाने ते पुरून ठेवले असल्याचे सांगितले.
आरोपीला चार दिवसांची पोलिस कोठडी
संशयित आरोपी हा गेल्या दहा महिन्यांपासून चामे यांच्याकडे सालगडी म्हणून काम करत होता. मालक कृष्णा चामे यांच्या अंगावर असलेल्या सोन्याच्या लोभातून वस्तीवरील घरात खून करून घराच्या पाठीमागे असलेल्या शोषखड्यात त्यांच्या मृतदेहाचे तुकडे करून पुरले होते.
ते तुकडे बाहेर काढून मोहोळ येथील ग्रामीण रुग्णालयात शवविच्छेदन करण्यात आले, तर आरोपीने चोरलेले सोनेही काढून दिले आहे. या खूनप्रकरणी आरोपीला अटक केली असून, त्यास न्यायालयात उभे केले असता चार दिवसांची पोलिस कोठडी देण्यात आली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
