संतापजनक! मुलगा अन् सुनेच्या त्रासाला कंटाळून आईने गळफास घेऊन केली आत्महत्या; मुलीच्या तक्रारीवरून दोघांविरुद्ध गुन्हा

टीम मंगळवेढा टाईम्स ।

वयोवृद्ध आईस आत्महत्या करण्यास प्रवृत्त केल्याबाबत मुलगा आणि सुनेवर गुन्हा दाखल झाला आहे. ही घटना १४ जून रोजी सकाळी ११ ते १५ जून रोजी सकाळी ९:३० वाजण्याच्या दरम्यान रोपळे. क (ता. माढा) येथे घडली.

वसुंधरा विश्वनाथ मोरे (वय ८०, रा. रोपळे क, ता. माढा) असे आत्महत्या केलेल्या वयोवृद्ध आईचे नाव आहे. याबाबत मयताची मुलगी वैशाली अनिल पवार (रा. धनसोली, नवी मुंबई) यांनी पोलिसांत फिर्याद दाखल केली आहे.

याप्रकरणी मुलगा मिलिंद विश्वनाथ मोरे व सून अनुराधा मिलिंद मोरे (दोघे रा. रोपळे, ता. माढा) या दोघांविरुद्ध गुन्हा दाखल करण्यात आला आहे.

याबाबत फिर्यादीत म्हटले आहे की, वसुंधरा यांना गेल्या दीड वर्षांपासून मुलगा व सून दोघे शिवीगाळ करून कुठे तरी जाऊन जीव दे, असे म्हणत शिवीगाळ करून दमदाटी करत होते.

दि.१४ जून रोजीही तू जाऊन फाशी घे, असे म्हणून शारीरिक व मानसिक त्रास दिला. या त्रासाला कंटाळून वयोवृद्ध आईने

स्वतः च्या शेतातील आंब्याच्या झाडाला दोरीने गळफास घेऊन आत्महत्या केली. अधिक तपास सहायक पोलिस निरीक्षक शिवाजी जायपात्रे करीत आहेत.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज