टीम मंगळवेढा टाईम्स ।
मैत्रीच्या नावाखाली विश्वासघात करून भरदिवसा लुटमार करण्याची एक धक्कादायक घटना मंगळवेढ्यात उघडकीस आली आहे. कारागृहात झालेल्या ओळखीचा गैरफायदा घेत, वडापाव खाऊ घालण्याच्या बहाण्याने बोलावून एका इसमाला आणि त्यांच्या महिला सहकाऱ्याला धाक दाखवत सुमारे ३ लाख ५ हजार रुपयांना लुटल्याचा प्रकार समोर आला आहे.
मिळालेल्या माहितीनुसार, फिर्यादी ग्लेन परसी सिक्वेरा हे त्यांच्या महिला सहकारी मनिषा हरावत यांच्यासह कोल्हापूरवरून सोलापूरकडे येत असताना ही घटना घडली.
सोलापूर कारागृहात असताना फिर्यादीची ओळख अजित उर्फ काळ्या सुरेश पवार (रा.नंदुर ता.मंगळवेढा) याच्याशी झाली होती. याच ओळखीचा फायदा घेत अजितने फिर्यादीला तुला वडापाव घेऊन येतो, आपण भेटू’ असे म्हणून ब्रह्मपुरी रोडवरील एका निर्जन हॉटेल उपसरपंचाच्या मागे बोलावले.
असा रचला लुटीचा सापळा
दुपारी २.३० च्या सुमारास फिर्यादी जेव्हा ठरलेल्या ठिकाणी पोहोचले, तेव्हा तिथे अजितसोबत एक अनोळखी महिला आणि एक तरुण दबा धरून बसले होते.
काही वेळ गप्पा मारल्यानंतर अचानक त्या महिलेने आणि तरुणाने फिर्यादीच्या सहकाऱ्याच्या गळ्यातील सोन्याची चैन आणि हातातील पर्स हिसकावून घेण्यास सुरुवात केली.
जेव्हा फिर्यादीने विरोध करण्याचा प्रयत्न केला, तेव्हा त्यांना अश्लील भाषेत शिवीगाळ करत जीवे मारण्याची धमकी देण्यात आली.
काय काय लुटले?
रोकड: ५००, २०० आणि ५० च्या नोटांचे बंडल (एकूण २,५०,००० रुपये). सोन्याची चैन: ५ ग्रॅम वजनाची सोन्याची चैन आणि महादेवाचे पेंडंट (किंमत ५०,००० रुपये). चांदीची चैन: १५ ग्रॅम वजनाची चांदीची चैन (किंमत ५,००० रुपये).
पोलिसांत गुन्हा दाखल
भरदिवसा झालेल्या या धाडसी चोरीमुळे परिसरात मोठी खळबळ उडाली आहे. याप्रकरणी मंगळवेढा पोलीस ठाण्यात गुन्हा दाखल करण्यात आला असून, संशयित आरोपी अजित उर्फ काळ्या सुरेश पवार आणि त्याच्या साथीदारांचा पोलीस कसून शोध घेत आहेत.
मंगळवेढा पोलिसांनी दिला सावधेनचा इशारा
कारागृहातील गुन्हेगारी पार्श्वभूमी असलेल्या व्यक्तींशी केलेली मैत्री किती महागात पडू शकते, याचे हे जिवंत उदाहरण आहे. नागरिकांनी अनोळखी किंवा गुन्हेगारी पार्श्वभूमी असलेल्या व्यक्तींच्या अशा आमंत्रणांना बळी पडू नये, असे आवाहन पोलीस प्रशासनाकडून करण्यात येत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
