मोठी बातमी! माजी नगरसेवक विजय ताड खून प्रकरणी स्थानिक गुन्हे अन्वेषणच्या पथकाने तिघांना घेतले ताब्यात

टीम मंगळवेढा टाईम्स। 

जत येथील माजी नगरसेवक विजय शिवाजीराव ताड यांच्या खूनप्रकरणी स्थानिक गुन्हे अन्वेषणच्या पथकाने अथणी (कर्नाटक) येथून तिघांना ताब्यात घेतले असून, खुनाचे धागेदोरे हाती लागल्याची माहिती पोलिसांनी दिली.

सोमवारपर्यंत या खुनाचा उलगडा होईल, अशी माहिती स्थानिक गुन्हे अन्वेषणचे पोलिस निरीक्षक सतीश शिंदे यांनी दिली.

शुक्रवारी दुपारी माजी नगरसेवक ताड यांच्यावर हल्लेखोरांनी गोळीबार करून व दगडाने ठेचून खून केला होता. याप्रकरणी जत पोलिसात गुन्हा दाखल आहे.

यातील मुख्य संशयित म्हणून जत येथील बबलू चव्हाण याच्याविरूद्ध ताड यांच्या भावांनी फिर्याद दिली आहे. खुनाला तीन दिवस झाले तरी अद्याप उलगडा याचा झालेला नाही. या प्रकरणाचा तपास स्थानिक गुन्हा अन्वेषणकडे सोपविण्यात आला.

गुन्हा अन्वेषण विभागाचे पोलिस निरीक्षक सतीश शिंदे यांच्या मार्गदर्शनाखाली तीन पथके तयार करण्यात आली. त्यातील एका पथकाने अथणी (कर्नाटक) येथे छापा टाकून तिघांना ताब्यात घेतले आहे.

त्याचबरोबर जत पोलिस ठाण्याचे पथक खुनाच्या कारणाची सर्व शक्यता पडताळून पहात आहेत.

संशयितांनी ताड यांचा खून का केला, यासाठी पिस्तूल कुठून आणले, याचा पोलिस शोध घेत आहेत. याबाबत पोलिसाशी संपर्क साधला असता संशयितांचे धागेदोरे हाती लागल्याचे सांगण्यात आले.

संशयितांची नावे अद्याप जाहीर करण्यात आली नसून, अधिक माहिती देण्यास पोलिसांनी नकार दिला.(स्रोत:पुढारी)

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.

ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”

विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज