टीम मंगळवेढा टाईम्स ।
मंगळवेढा तालुक्यातील सलगर बु.येथे घरासमोर २५ हजार रुपये किमतीची बजाज कंपनीची सी.टी.हंड्रेड लावलेली मोटर सायकल चोरटयांनी चोरून नेल्याचा प्रकार घडला असून या प्रकरणी अज्ञात चोरटयाविरूध्द गुन्हा दाखल झाला आहे.
यातील फिर्यादी हरीप्रसाद पत्की यांची दि.३१ जुलै रोजी रात्री ९ .०० वा . सलगर येथील राहते घरासमोर २५ हजार रुपये किमतीची बजाज कंपनीची सी.डी.हंड्रेड एम एच १३ डी.बी.२५२७ ही मोटर सायकल लावली होती.
सकाळी फिर्यादीने उठून पाहिले असता सदर मोटर सायकल अज्ञात चोरटयांनी चोरून नेल्याचे लक्षात आले.याचा अधिक तपास पोलिस हेड कॉन्स्टेबल दत्तात्रय येलपले हे करीत आहेत.
बुलेटवरून रस्त्यावर पडलेल्या महिलेचा उपचारापूर्वीच मृत्यू
सांगोला येथे ट्रीपलसीट बुलेटवरुन महुदकडे जात असताना स्पीड ब्रेकरवरुन बुलेट गेल्यानंतर महिला तोल जाऊन डांबरी रस्त्यावर पडली.
डोक्याला जबर मार लागल्याने गंभीर जखमी झालेल्या महिलेचा उपचारापूर्वीच मृत्यू झाला.
शिलाबाई संजय बनसोडे वय -३५ , रा.महुद , ता.सांगोला असे मरण पावलेल्या महिलेचे नाव आहे.
याबाबत अधिक माहिती अशी , महूद ता.सांगोला येथील रियाज इसामुद्दीन मुलाणी यांच्या एमएच ४५ एएन ९ ३३१ या बुलेटवरून संजय श्रीमंत बनसोडे , शिलाबाई संजय बनसोडे असे तिघेजण महूदकडे निघाले होते.
सांगोला ते महुद रोडवरील वाकी शिवणे गावाच्या पुढे २-३ कि.मी.पुढे काही अंतरावर स्पीड ब्रेकर वरुन ताब्यातील बुलेट गेल्याने शिलाबाई यांचा तोल गेल्याने त्या बुलेटवरुन खाली डांबरी रस्त्यावर डोक्यावर पाठीमागील बाजुस पडल्याने त्यांना जबर मार लागला.
त्यावेळी रिजाय मुलाणी व संजय बनसोडे यांनी जखमी झालेल्या शिलाबाई बनसोडे यांना महूद येथील खाजगी हॉस्पिटलमध्ये उपचारासाठी दाखल केले.
त्यांना तपासून डॉक्टरांनी पुढील उपचारासाठी पंढरपुर येथे घेऊन जाण्यास सांगितले.
गंभीर जखमी झालेल्या शिलाबाई यांना पंढरपूर येथील सरकारी रुग्णालयात दाखल केले असता डॉक्टरांनी त्यांना तपासून उपचारापूर्वीच त्या मयत झाल्याचे सांगितले . पोलिसांनी मयत शिलाबाई बनसोडे यांचे पती संजय बनसोडे यांचा जबाब नोंदवून घेतला आहे.
याप्रकरणी पोहेकॉ विकास क्षिरसागर यांनी मयत शिलाबाई बनसोडे यांच्या मृत्यूस कारणीभूत ठरल्याप्रकरणी बुलेट चालक रियाज इसामुद्दीन मुलाणी रा.महुद ता.सांगोला याच्याविरुध्द भा.द.वि.कलम २७ ९ , ३०४ अ , ३३७ , ३३८ मोटार वाहन कायदा कलम १८४ प्रमाणे सांगोला पोलीस ठाण्यात कायदेशीर फिर्याद दिली आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
