टीम मंगळवेढा टाईम्स।
मंगळवेढा येथून एका चार वर्षीय अल्पवयीन मुलाला फूस लावून पळवून नेल्याप्रकरणी अज्ञात व्यक्तीवर गुन्हा दाखल करण्यात आला आहे,
याची फिर्याद मनोजकुमार अमरसिंह साहू (वय ३१ वर्षे, व्यवसाय मजुरी रा. अकोला, पो. कारेसरा, ता. साजा, जि. बेनेतरा, राज्य छत्तीसगड, सध्या एमआयडीसी समोर पंढरपूर बायपास रोड मंगळवेढा) यांनी दिली आहे.
दरम्यान, त्यानंतर २४ तास उलटूनही तपास लागला नाही. पोलिसांनी शुक्रवारी रात्री व शनिवारी दिवसभरात श्वान पथकाने सर्वत्र शोध घेतला आहे.
मात्र श्वान घटनास्थळापासून नऊ किलोमीटरवर दामाजी कारखाना चौकापर्यंतच गेले.
याबाबत माहिती अशी की, शुक्रवारी सायंकाळी सहा वाजता सुमारास शिवाजी पार्क मंगळवेढा येथील बांधकामावर काम करणाऱ्या छत्तीसगड येथील मजुराच्या मुलास अज्ञात व्यक्तीने अपहरण केले.
पोलिसांनी फिर्यादी मनोजकुमार अमरसिंह साहू व इतर साथीदारांच्या मदतीने सर्वत्र शोध सुरू केला. मात्र २४ तास उलटूनही रणवीरकुमार सापडला नाही.
शिवाजी पार्कपासून ते संत दामाजी कारखान्याच्या जवळपास असणाऱ्या म्हसोबा देवस्थानच्या पुढे कारखाना चौकाच्या आसपास श्वानाने मार्ग दाखवला. पोलिस सर्व बाजूंनी तपास करीत आहेत.
अपहरण झालेल्या मुलाचे असे आहे वर्णन
अपहृत मुलाचे नाव व वर्णन रंग निमगोरा उंची तीन फूट, चेहरा गोल, अंगात नेसणेस पांढरे रंगाचा टी-शर्ट व काळे रंगाची हाफ पॅन्ट, दोन्ही पायात काळा दोरा बांधलेला, भाषा हिंदी बोलतो, नाक सरळ, डोळे मध्यम आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
