खळबळजनक! मंगळवेढा तालुक्यातील ‘या’ परिसरात अज्ञात व्यक्तीचा आढळला मृतदेह

टीम मंगळवेढा टाइम्स ।

मंगळवेढा तालुक्यातील माचणूर परिसरात एका 70 वर्षीय अज्ञात इसमाचा मृतदेह आढळला असून याची मंगळवेढा पोलिसांत नोंद झाली आहे. दरम्यान, सदर मयताच्या नातेवाईकाचा पोलिस कसून शोध घेत आहेत.

पोलिस सुत्रांनी दिलेली माहिती अशी,दि.12 रोजी सकाळी 11.00 च्या दरम्यान,माचणूर गावालगत भारत डोके यांचे शेताजवळ एक अनोळखी इसम अंगावर कपडे नसलेल्या अवस्थेत मृतावस्थेत आढळून आला आहे.

अंदाजे वय 70 असून अंगाने सडपातळ,रंगाने सावळा,डोकीस पांढरे केस,दाढी वाढलेली,उंची 5 फुट 6 इंच असे मृत इसमाचे वर्णन असून याची खबर

माचणूरचे पोलिस पाटील सुहास डोके यांनी दिल्यावर याची पोलिसात नोंद झाली आहे.मृताच्या नातेवाईकाचा शोध पोलिस घेत आहेत.

दरम्यान हा इसम वयोवृध्द असल्याने थकून कोणत्या तरी आजाराने मयत झाला असावा असा पोलिसांचा अंदाज आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.