टीम मंगळवेढा टाईम्स।
मकर संक्रांतीच्या दुसऱ्या दिवशी आज दि.१६ जानेवारी रोजी सिद्धापूर मातोळी (ता.मंगळवेढा) येथे मातृलिंग गणपतीची यात्रा होत आहे. महाराष्ट्र, कर्नाटक, आंध्रप्रदेश राज्यातून लाखो भक्त श्रीच्या दर्शनासाठी यात्रेदीवशी येतात.
यात्रेच्या निमित्ताने विविध कार्यक्रमांचे आयोजन करण्यात आले असल्याची माहिती मातृलिंग ट्रस्टचे अध्यक्ष आप्पासाहेब नांगरे-पाटील यांनी माहिती दिली.
आज मंगळवार दि. १६ जानेवारी रोजी पहाटे ६ वाजता श्री मातृलिंग गणपतीची महापूजा पंढरपूर-मंगळवेढ्याचे आमदार समाधान आवताडे यांच्या हस्ते व सोलापूर शहर उत्तरचे आमदार विजयकुमार देशमुख यांच्या अध्यक्षतेखाली संपन्न होणार आहे
सोलापूरचे खासदार डॉ. जयसिद्धेश्वर महास्वामी, माजी आमदार प्रशांत परिचारक, बबनराव आवताडे, प्रांत बी. आर. माळी, डीवायएसपी विक्रांत गायकवाड, तहसिलदार मदन जाधव, पोलीस निरीक्षक रणजित माने आदीप्रमुख मान्यवरांच्या उपस्थितीत होणार आहे.
यात्रेकरूंना मंगळवेढा ते सिद्धापूर मंगळवेढा ते ब्रह्मपुरी, माचणूर मार्ग सतत यात्रेदिवशी बसेसची व्यवस्था करण्यात आलेली आहे. ग्रामपंचायत सिद्धापूर कडून यात्रेदिवशी भाविकांना पिण्याचे स्वच्छ पाणी उपलब्ध करून देण्यात येणार आहे.
यात्रा सुरळीत पार पाडण्यासाठी ग्रामपंचायत सिद्धापूर, सर्व ग्रामस्थ आणि देवस्थान ट्रस्ट विशेष मेहनत घेत आहेत. यात्रेदिवशी संध्याकाळी श्री च्या पालखीचे गावात आगमन होणार आहे.
पालखी समोर नयनरम्य आतिषबाजी होणार आहे आणि भाविकांच्या मनोरंजनासाठी कन्नड सामाजिक नाटक रयतन बाळु कन्निरन घोळूचे आयोजन संध्याकाळी १० वाजता पादुकट्टा येथे करण्यात आले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
