टीम मंगळवेढा टाईम्स ।
मंगळवेढा तालुक्यातील २२ ग्रामपंचायतीच्या निवडणुकीतील १८६ जागांसाठी झालेल्या निवडणुकीची मतमोजणी आज सकाळी ८.३० वाजता सुरू होणार असून ते ११:५० ला संपणार आहे.
ही मतमोजणी १२ टेबलवर तीन फेऱ्यात होणार असल्याची माहिती तहसीलदार स्वप्नील रावडे यांनी दिली.
मोठ्या चुरशीने झालेल्या निवडणुकीमध्ये ४६४ उमेदवार या आखाड्यांमध्ये उतरले होते. २२३ मधील ३७ जागा यापूर्वीच बिनविरोध झाल्या होत्या.
मंगळवेढा तालुक्यातील सर्वच राजकीय नेत्यांच्या कार्यकर्त्यांनी ही निवडणूक मोठ्या प्रतिष्ठेची केली आणि त्यामध्ये काही अपक्षांना देखील आपला अर्ज ठेवून आपले महत्त्व प्राप्त करून घेतले.अशा परिस्थितीत तालुक्यामध्ये ९४ प्रभागातील ४० हजार ३३० मतदारांनी मतदान करत ७९ टक्के इतके मतदान झाले आहे.
त्यामध्ये नंदेश्वर आणि बालाजीनगर यामध्ये वादावादीच्या घटना वगळता इतर ठिकाणी शांततेत मतदान झाले.
दोन फेरीत आज सकाळी ८.३० वाजता शासकीय गोदाम मंगळवेढा येथे मतमोजणीस प्रारंभ होणार आहे.
त्यामध्ये गावाचे नाव आणि मतमोजणीचे टेबल पुढीलप्रमाणे :
तांडोर १, आसबेवाडी २, गणेशवाडी ३, मल्लेवाडी ४, लेंडवेचिंचाळे ५, अरळी ६, सलगर बुद्रुक ७ , माचनूर ८ , तामदर्डी ९ , घरनिकी १० , भोसे ११, कचरेवाडी १२, या गावाची मतमोजणी सकाळी ८.३० ते ९ .३० या दरम्यान होणार आहे.
तर त्यानंतर लमाण तांडा १ , कर्जाळ – कात्राळ २ , डोणज ३ , महमदाबाद शे .४ , लवंगी ५ या पाच गावाची मतमोजणी सकाळी ९.३० ते .१०.३० दरम्यान होणार आहे.
तर मरवडे १ , सिद्धापूर २ , बोराळे ३, हुलजंती ४ , नंदेश्वर ५ या गावांची मतमोजणी सकाळी १०.३० ते ११.५० यावेळेत होणार आहे.
उपविभागीय अधिकारी उदयसिंह भोसले , तहसीलदार स्वप्निल रावडे , नायब तहसीलदार सुधाकर मागाडे निवडणूक शाखेचे नायब तहसीलदार यांनी मतमोजणी कर्मचाऱ्यांना याबाबतचे प्रशिक्षण दिले आहे.
आज मतदान मोजणी दरम्यान कोणताही अनुचित प्रकार होऊ नये यासाठी उपविभागीय अधिकारी दत्तात्रय पाटील , पोलिस निरीक्षक ज्योतीराम गुंजवटे यांनी कडेकोट पोलिस बंदोबस्त तैनात केला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
