शेतकऱ्यांचे अनुदान लवकरात-लवकर शेतकऱ्यांच्या खात्यावर वर्ग करा; आमदार आवताडेंचे कृषी आयुक्तांना पत्र

मंगळवेढा टाईम्स न्युज नेटवर्क ।

भारत हा कृषीप्रधान देश आहे. शेती व्यावसायाच्या माध्यमातून देशाच्या व राज्याच्या अर्थकारणाची चक्रे गतिमान करण्यासाठी व शेती उत्पादनाची क्षमता अधिकतम पटीने वाढविण्यासाठी

शासन दरबारी वेळोवेळी अनेक लोककल्याणकारी योजना राबवल्या जात आहेत. कृषी यांत्रिकरण योजनेअंतर्गत राज्यातील अनेक शेतकऱ्यांनी घालून दिलेल्या नियम व निकष यांची पूर्तता करुन कृषी यांत्रीकीकरण घटकांसाठी महाडिबीटी मार्फत मोठ्या प्रमाणात अर्ज केले आहेत.

परंतु पात्र शेतकऱ्यांना अद्याप मंजूर अनुदान प्राप्त झाले नाही. त्यामुळे अशा पात्र शेतकऱ्यांना त्यांचे प्रलंबित अनुदान लवकरात – लवकर मिळावे अशी मागणी पंढरपूर – मंगळवेढा विधानसभा मतदारसंघाचे आमदार समाधान आवताडे यांनी कृषी आयुक्त पुणे यांच्याकडे पत्राद्वारे केली आहे.

सदर पत्रामध्ये आ आवताडे यांनी म्हटले आहे की, महाराष्ट्र शासनाच्या कृषी विभागामार्फत राज्यातील सर्व प्रवर्गातील शेतकऱ्यांसाठी विविध योजना राबवल्या जात आहेत.

सदर योजना कागदावरच न ठेवता या योजना शेतकऱ्यांच्या बांधापर्यंत पोहचविण्याचे काम शासनाकडून पूर्ण झाले आहे. तरी संबंधित शेतकऱ्यांना हे अनुदान प्राप्त होण्यासाठी यंत्रणा अधिक वेगाने गतिमान करावी असेही आ आवताडे यांनी पत्रात म्हटले आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज