टीम मंगळवेढा टाईम्स ।
पतसंस्थेच्या नावाचा खोटा बनावट लेटरपॅड, सही शिक्के तयार करुन त्याच्यावर बनावट सह्या करुन शेतीवर असलेला कर्जाचा बोजा कमी करण्यासाठी बनावट कागदपत्रे तलाठ्याकडे सादर केल्याप्रकरणी एका विरोधात गुन्हा नोंदवण्यात आला आहे.
नंदेश्वर येथील मंगळवेढा तालुक्यातील यशोदा महिला नागरी सह पतसंस्थेचे लिपीक हणमंत भानुदास वाकडे यांनी दिलेल्या फिर्यादीनुसार भारत भीमा शिंदे (रा.नंदेश्वर) यांच्या विरोधात पोलिसात गुन्हा नोंदवला आहे.
भारत शिंदे यांनी त्यांची शेतजमीन तारण गहाणखत करुन यशोदा पतसंस्थेकडून कर्ज उचलेले होते. त्यांच्याकडून २० लाख ५५८९ रुपये येणे बाकी असतानाही त्यांनी पतसंस्थेचे बनावट लेटरपॅड,
सही शिक्के तयार करुन त्यावर सेक्रेटरीच्या बनावट सह्या करुन बोजा कमी करण्याची पत्र तलाठी यांच्याकडे दिले होते असे दिलेल्या फिर्यादीत म्हटले आहे.
बालविवाह करून छळणाऱ्या पतीवर गुन्हा दाखल
आंबेगावमध्ये राहणाऱ्या एका १३ वर्षीय मुलीचा तिच्या आईने एका महिलेसोबत बोलणे करून बालविवाह केला. त्यानंतर पीडित मुलगी ही सोलापूर जिल्ह्यातील मंगळवेढा येथे पतीच्या घरी नांदण्यास गेली.
त्या वेळी पतीने तिला शारीरिक व मानसिक त्रास देण्यास सुरुवात करून बळजबरीने शारीरिक संबंध केले. त्यामुळे सततच्या शिवीगाळ व मारहाणीच्या त्रासाला कंटाळून मुलगी आईच्या घरी आली.
आईने पतीच्या घरी नांदण्यास जा, असे म्हणत तिला मारहाण व शिवीगाळ केल्याने तीन आरोपींवर भारती विद्यापीठ पोलीस ठाण्यात गुन्हा दाखल करण्यात आला आहे.
३५ वर्षीय मुलीची आई, जयश्री थोरात (वय ४०, रा. वडगाव बुद्रुक, पुणे) व प्रशांत सुखदेव भालेराव ऊर्फ लोहार (वय ३०, रा. मंगळवेढा, सोलापूर) अशी गुन्हा दाखल झालेल्या आरोपींची नावे आहेत. ही घटना मे २०२२ ते ३१ जुलै २०२४ यादरम्यान घडली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
