मंगळवेढा टाईम्स न्यूज नेटवर्क।
एका युवकाने उत्तर सोलापूर तालुक्यातील वांगी गायरान झुडपामध्ये आत्महत्या करीत आपली जीवनयात्रा संपवली आहे. आत्महत्या करण्यापूर्वी आत्याच्या मुलाच्या मोबाइलवर व्हिडीओ व आत्महत्या करत असल्याच्या ठिकाणाचे लोकेशन पाठवले.
अमर लहू मुळे (वय २५, रा. नान्नज) असे त्या आत्महत्या केलेल्या तरुणाचे नाव आहे. याबाबत अधिक माहिती अशी की, आत्महत्या करण्याअगोदर त्याने स्वतःच्या मोबाइलमध्ये मी आत्महत्या करत आहे.
पाच व्यक्तींच्या त्रासाला कंटाळून मी आपले जीवन संपवत आहे, असा व्हिडीओ बनवून आत्याचा मुलगा आदेश यांच्या मोबाइलवर व्हिडीओ व आत्महत्या करत असल्याच्या ठिकाणाचे लोकेशन पाठवले आहे.
त्याने विनंती केली आहे की, खंबीरपणे आमच्या पाठीमागे उभे राहा, माझ्या मोबाइलमध्ये फोटो व रेकॉर्डिंग आहे. त्याचा पासवर्डही सांगितला आहे.
अमर याचे वडील, चुलते, चुलतभाऊ व नातेवाइकांनी त्या ठिकाणावर रात्रभर शोधाशोध केली असता तो निदर्शनास आला नाही. रविवारी सकाळी पुन्हा त्या ठिकाणी शोधाशोध घेतली असता अमर याचा कडूलिंबाच्या झाडाला गळफास घेतलेल्या अवस्थेतील मृतदेह आढळला.
या घटनेची माहिती वांगीचे पोलिस पाटील योगिता पवार यांनी तालुका पोलिसांना कळवली. उत्तरीय तपासणी विच्छेदनाकरिता मृतदेह सिव्हिल हॉस्पिटल येथे पाठवण्यात आला.
अमर याचा दोनच महिन्यांपूर्वी झाला विवाह
अमर हा वाहनचालकाचे व खासगी कंपनीत काम करत होता. ६ जून रोजी पंढरपूर तालुक्यातील भंडीशेगाव गावातील विजय सुरवसे यांची कन्या ऋतुजा यांच्यासोबत झाला होता. दोन महिन्यांतच अमरने आत्महत्या केल्याने खळबळ उडाली आहे.
तक्रार देण्यासाठी पोलिस ठाण्यात जाताच आत्महत्येची माहिती आली समोर
शनिवारपासून मुलगा गायब होता, फोनही उचलत नसल्याने तक्रार देण्याकरिता वडील तालुका पोलिस ठाण्यात गेले होते. तोच मुलाने आत्महत्या केली असल्याचा फोन येताच पोलिस ठाण्यातून वडील आत्महत्या केलेल्या घटनास्थळावर आले.
आपल्या एकुलत्या एका मुलाने आत्महत्या केल्याने आई-वडील व नातेवाइकांनी टाहो फोडला. या घटनेची तालुका पोलिस स्टेशनकडून चौकशी सुरू आहे. अमर यांच्या पश्चात आई, वडील, पत्नी, बहीण आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
