जिल्हा दूध संघ निवडणूक प्रक्रिया; मंगळवेढा तालुक्यातील ‘एवढ्या’ दूध संस्थांनी प्रतिनिधी निवडीचे ठराव केले दाखल

टीम मंगळवेढा टाईम्स ।

सोलापूर जिल्हा सहकारी दूध उत्पादक संघाच्या निवडणुकीसाठी एकूण ६२ ९ सभासद संस्थांकडून प्रशासनाला प्रतिनिधी निवडीचे ठराव प्राप्त झाले आहेत.

बुधवारी ठराव दाखल करण्याचा अंतिम दिवस होता. या एकाच दिवशी ३२८ सभासद संस्थांनी ठराव दाखल केले. तर मंगळवेढा तालुक्यातून ८३ ठराव दाखल केले आहेत.

मात्र, गेल्या आठवड्यात उच्च न्यायालयाने दिलेल्या निकालामुळे या आकड्यांमध्ये बदल होण्याची शक्यता आहे.

सोलापूर जिल्हा सहकारी दूध उत्पादक संघाची निवडणूक प्रक्रिया सध्या प्रशासनाकडून सुरू आहे सध्या प्रारूप मतदार यादी तयार करण्यासाठी सभासद संस्थांकडून प्रतिनिधी निवडीचे ठराव दाखल करून घेण्यात आले आहेत.

बुधवारी यासाठी अंतिम मुदत होती. या मुदतीत माढा तालुक्यातून सर्वात जास्त १७८ सभासद संस्थांनी ठराव दाखल केले. त्याखालोखाल करमाळा तालुक्यातून ९ ८ सभासद संस्थांनी ठराव दाखल केले आहेत.

गेल्या आठवड्यात उच्च न्यायालयात अवसायनात निघालेल्या दूध संस्थांबाबत दिलेल्या निकालामुळे दूध संघाची मतदार यादी फुगली आहे याबाबत आणखी प्रक्रिया सुरू आहे.

येणाऱ्या कालावधीतही प्रारूप मतदार यादीतील सभासद संस्थांची संख्या वाढण्याची शक्यता आहे.(स्रोत:दिव्यमराठी)

ठराव दाखल केलेल्या तालुकानिहाय संस्था

अक्कलकोट ८ , उत्तर सोलापूर २० , दक्षिण सोलापूर १ ९ , बार्शी ३१ , माढा १७८ , पंढरपूर २२ , करमाळा ९ ८ , सांगोला ८७ , मंगळवेढा ८३ , मोहोळ ८३ .

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज