येत्या दोन दिवसात पंढरपूर-मंगळवेढा विधानसभा मतदारसंघाच्या उमेदवारीबाबत शरद पवार निर्णय घेणार; अनिल सावंत यांच्याशी तासभर चर्चा; प्रामुख्याने ‘या’ तिघांचीच नावे चर्चेत

टीम मंगळवेढा टाईम्स ।

पंढरपूर-मंगळवेढा विधानसभा मतदारसंघाच्या महाविकास आघाडीच्या उमेदवारी बाबत अजून कोणालाही शब्द दिलेला नाही. येत्या दोन दिवसात उमेदवारी संदर्भात निर्णय घेणार असल्याचे भेटीदरम्यान खा.शरद पवार यांनी सांगितले असल्याची माहिती भैरवनाथ शुगरचे व्हा.चेअरमन अनिल सावंत यांनी दिली आहे.

इस्लामपूर (जि.सांगली) राष्ट्रवादी शरदचंद्र पवार पक्षाच्या वतीने आयोजित शिवस्वराज्य यात्रेच्या सांगता समारंभासाठी खासदार शरद पवार हे इस्लामपूर येथे आले होते.

यावेळी अनिल सावंत यांनी शिष्टमंडळासह खासदार शरद पवार राष्ट्रवादीचे प्रदेशाध्यक्ष आमदार जयंत पाटील, खासदार अमोल कोल्हे यांची भेट घेतली आहे. जवळपास तासभर अनिल सावंत हे खा.शरद पवार व इतर मान्यवरा सोबत चर्चा करत होते.

निवडणूक जाहीर झाल्यानंतर विविध पक्षांच्या वतीने मोठ्या घडामोडी घडताना सध्या दिसत आहेत. सोलापूर जिल्ह्यातील सर्वाधिक लक्षवेधक ठरलेल्या पंढरपूर-मंगळवेढा विधानसभा मतदारसंघात महाविकास आघाडीच्या पर्यायाने राष्ट्रवादी शरदचंद्र पवार पक्षाच्या उमेदवारी संदर्भात मोठी चर्चा होताना दिसली आहे.

आणि अशा परिस्थितीत राष्ट्रवादी पक्षाकडून इच्छुक असलेले अनिल सावंत यांनी खासदार पवार व राष्ट्रवादीच्या मान्यवर नेत्यांसोबत घेतलेल्या भेटीमुळे मतदार संघात चर्चेला उधाण आले आहे.

दरम्यान भाजपच्या वतीने माजी आमदार प्रशांत परिचारक यांना महामंडळाचे अध्यक्षपद देऊन त्यांची मनधरणी करण्याचा प्रयत्न केल्याने प्रशांत परिचारक यांना महामंडळाचे अध्यक्षपद मिळाले असून आता अनिल सावंत किंवा वसंतनाना देशमुख या दोघांपैकी एकाला उमेदवारी मिळणार असल्याची माहिती मिळत आहे.

प्रामुख्याने या तिघांचीच नावे चर्चेत

पंढरपूर-मंगळवेढा विधानसभा मतदारसंघात राष्ट्रवादी पक्षाकडून प्रामुख्याने वसंतनाना देशमुख आणि भैरवनाथ शुगरचे व्हा.चेअरमन अनिल सावंत हे दोघे इच्छुक असून माजी आमदार प्रशांत परिचारक यांनी तुतारी हाती घ्यावी असा आग्रह कार्यकर्ते करीत असल्याने प्रामुख्याने या तिघांचीच नावे चर्चेत आहेत.

यामध्ये अनिल सावंत आणि वसंतनाना देशमुख यांनी उघडपणे पक्षाकडून तिकिटाची मागणी केली आहे पण प्रशांत परिचारक यांनी उघडपणे आजही मागणी केली नाही. पण परिचारक गटाचे कार्यकर्ते मात्र प्रशांत परिचारक यांना तुतारी चिन्हावर लढा असे सांगताना दिसत आहेत.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज