टीम मंगळवेढा टाईम्स।
मागील किरकोळ कारणावरून लहान भावाने मोठ्या भावाच्या डोक्यात दगड घालून खून केल्याची धक्कादायक घटना मंगळवेढा तालुक्यातील हुन्नूर या गावात आज पहाटे 5 च्या सुमारास उघडकीस आली आहे.
नवनाथ रामचंद्र पुजारी (वय 24) असे खून झालेल्या मोठ्या भावाचे नाव असून याप्रकरणी लहान भाऊ सोनारसिद्ध रामचंद्र पुजारी याच्या विरोधात गुन्हा दाखल करण्यात आला आहे. याप्रकरणी वडील रामचंद्र दाजी पुजारी (वय 52) त्यांनी फिर्याद दिली आहे.
याबाबत पोलीस सूत्रांनी दिलेली अधिक माहिती अशी की, आज पहाटे 5 च्या सुमारास वेळी व राहत्या घरी फिर्यादीचा मुलगा सोनारसिद्ध याने पाठीमागील भांडणाचा राग मनात धरुन व गाडी भाड्याने का घेवुन गेला नाही
या कारणावरुन फिर्यादीचा दुसरा मुलगा नवनाथ याने सोनारसिध्द यास मारहाण केली होती याचा राग मानात धरुन तसेच वेळोवेळी खर्चासाठी पैसे देत नाही
म्हणुन सोनारसिध्द याने नवनाथ यास झोपलेल्या ठिकाणी नवनाथ याचे डोक्यात दगड घालून त्याचा खून केल्याचे दिलेल्या फिर्यादीत म्हटले आहे. या घटनेचा अधिक तपास पोलीस उपनिरीक्षक विजय पिसे हे करीत आहेत
घटनास्थळी उपविभागीय पोलीस अधिकारी विक्रांत गायकवाड, पोलीस निरीक्षक महेश ढवाण, पोलीस उपनिरीक्षक विजय पिसे, पुरुषोत्तम धापटे, पोलीस हवालदार प्रमोद मोरे, विक्रम काळे आदींनी भेट दिली आहे.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
