टीम मंगळवेढा टाईम्स ।
भरधाव वेगात जाणा-या बसने एका पादचा-याला जोरात धडक दिली. यामध्ये पादचा-याचा जागीच मृत्यू झाला. हा अपघात रात्री साडेसात वाजताच्या सुमारास मुटकेवाडी चाकण येथे नाशिक-पुणे मार्गावर घडला.
रामेश्वर नारायण भोसले (वय 42, रा.धर्मगाव-नेपतगाव, ता. मंगळवेढा, जि. सोलापूर) असे मृत्यू झालेल्या व्यक्तीचे नाव आहे.
याप्रकरणी सचिन नेमाजी काळे (वय 34, रा. नाणेकरवाडी, ता. खेड) यांनी चाकण पोलीस ठाण्यात फिर्याद दिली आहे.
त्यानुसार बस चालक मनोल चांदभाई शेख (रा. येवती, ता. श्रीगोंदा, जि. अहमदनगर) याच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी यांचा चुलत मेहुणा मयत रामेश्वर शनिवारी रात्री साडेसात वाजताच्या सुमारास मुटकेवाडी येथून पुणे-नाशिक महामार्गावरून नाशिक-पुणे या लेनवरून चालत जात होता.
त्यावेळी आरोपी बस चालकाने बस भरधाव वेगात चालवून रामेश्वर याला धडक दिली. यामध्ये गंभीर जखमी झालेल्या रामेश्वरचा मृत्यू झाला.
पोलिसांनी आरोपी बस चालकाला अटक केली आहे. चाकण पोलीस तपास करीत आहेत.(स्रोत:MPC News)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
