टीम मंगळवेढा टाईम्स ।
कर्नाटक राज्यातील पुणे-विजयपूर या बसमधील वाहक महिबूब काशिमसाब सौदागर (वय ५२) यांचा चालत्या बसमध्ये छातीत कळ येवून मृत्यू होण्याची घटना मंगळवेढयात दि.११ रोजी पहाटे ३.३० वा.घडली असून या घटनेची आकस्मात मयत अशी नोंद झाली आहे.
पोलिस सुत्रांनी दिलेली माहिती अशी,कर्नाटक राज्यातील विजयपूर-पुणे ही बस पहाटे ३.०० वा.पंढरपूर येथे आली. पुढे मंगळवेढयाकडे मार्गस्थ होत असताना ३.३० च्या दरम्यान यातील मयत वाहक महिबूब सौदागर यांच्या छातीत कळ येवू लागल्याने वेदनेने त्रस्त झाल्याने बस मंगळवेढयात थांबविण्यात आली.
तदनंतर सदर वाहकास महिला हॉस्पीटल येथे उपचारासाठी दाखल केले. तेथील डॉक्टरांनी तपासून ते मयत झाल्याचे सांगितले.
सदर वाहकास पुन्हा मंगळवेढा ग्रामीण रुग्णालयात डॉक्टरांनी तपासणी केली असता मयत झाल्याची घोषणा केली.याचा अधिक तपास पोलिस करीत आहेत.
सिध्दापूर येथून विवाहित महिला बेपत्ता
मंगळवेढा तालुक्यातील खडकी येथील ३२ वर्षीय विवाहित महिला सिध्दापूर येथील ऊसतोड पालीमधून झोपलेल्या ठिकाणावरून गायब झाली असल्याची तक्रार तीच्या पतीने पोलिसात नोंदविली असून पोलिस शोध घेत आहेत.
सिध्दापूरमध्ये ऊसतोड चालू असल्याने बेपत्ता महिलेसह तीचा पती पाल ठोकून रहावयास होते.दि.१० च्या मध्यरात्री पालीमध्ये झोपलेल्या ठिकाणावरून कोणास काही न सांगता सदर महिला निघून गेली असल्याचे पतीने दिलेल्या तक्रारीत म्हटले आहे.
अंगाने मध्यम,रंग सावळा, नाक सरळझ चेहरा उभट , उंची ५.३ इंच , केस काळे अंगावर लाल रंगाची साडी अशा वर्णनाची स्त्री कोणाच्या नजरेस आल्यास मंगळवेढा पोलिसांशी संपर्क साधावा असे आवाहन करण्यात आले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
