टीम मंगळवेढा टाईम्स।
मंगळवेढा तालुक्यातील १८ ग्रामपंचायत निवडणुकीसाठी नामनिर्देशन अर्ज दाखल करण्यास आजपासून सुरवात होणार आहे. उमेदवारांच्या निश्चित नावावर अखेरचा हात पॅनल प्रमुखांनी मारला आहे.
अंतिम मंजुरी देताच सरपंच आणि सदस्यपदाच्या उमेदवारांनी नामनिर्देशन दाखल करण्याआधीच मतदारांच्या घरात बैठका सुरू झाल्या आहेत.
काही गावात जुने सरपंच आणि सदस्य पुन्हा मैदानात उतरले आहेत.आजपासून अर्ज दाखल करण्यात येणार आहेत. त्यादृष्टीने गावागावांत तयारी सुरू आहे.
कोणत्या वॉर्डात कोणता उमेदवार वरचढ ठरेल खोलात जाऊन चौकशी केली जात आहे. संपूर्ण गावाचा विचार करून सरपंचपदाचा दावेदार सुचविले जात आहेत.
गावांत उमेदवारांची निवड करताना प्रभागानिहाय बैठका घेतल्या जात आहेत. सर्वसंमतीने ठरविण्यात आलेल्या उमेदवाराला निवडणूक जिंकण्याचा प्रश्नच राहत नाही. त्याचा स्वभाव, राजकीय क्षेत्रात त्याचे वजन, ओळख अशा एक ना अनेक घटकांचा विचार केला जात आहे.(स्रोत:लोकमत)
या १८ गावात रंगणार लढत
तळसंगी, डोंगरगाव, सोडडी, पॉट, हाजापूर, शिरणादगी, गोनेवाडी, खोमनाळ, फटेवाडी, गुंजेगाव, ढवळस, बावची, पाठकळ-मेटकरवाडी, मारोळी, येद्राव, ‘ रहाटेवाडी, मारापूर, भालेवाडी या १८ गावात राजकीय ज्वर शिगेला पोहचला आहे.
गावात इच्छुकांचे फेरफटके
नावावर अतिशय गुप्त पद्धतीने ग्रामपंचायत निवडणुकीची रणनीती व उमेदवार शोधणे सुरु आहे. माझ्या उमेदवारापेक्षा त्याचा उमेदवार सक्षम नसावा.
माझा उमेदवार त्याला मिळू नये अशा राजकीय चर्चेचे गुन्हाळ रंगत आहे. उमेदवारांनी नामनिर्देशन अर्ज सादर करण्याच्या आधीच नावे निश्चित करण्यात आलेल्या उमेदवारांनी गावात फेरफटका मारणे सुरू केले आहे.
गावांत सक्षम उमेदवार देण्यावर भर
निवडणूक म्हटलं की पैसा आलाच, तरीही नुसता पैसा असला की निवडणूक जिंकतो, हेसुद्धा खरे दिसत नाही. त्यामुळे पैसेवाला व्यक्ती किंवा अधिक पैसे खर्च करणारा उमेदवार निवडून येईलच हा भ्रम दूर करून सक्षम उमेदवार शोधला जात आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
