टीम मंगळवेढा टाईम्स ।
स्थानिक स्वराज्य संस्थांच्या निवडणुकीच्या पार्श्वभूमीवर मंगळवेढामध्येही राजकीय हालचालींना वेग आला आहे. स्थानिक आघाड्या व राजकीय पक्षांनी देखील मोट बांधण्यास सुरुवात केली आहे.
मंगळवेढा नगरपालिका निवडणुकीत अर्ज दाखल करण्याच्या सातव्या दिवशी आज रविवारी नगरसेवक पदासाठी 37 अर्ज दाखल झाले आहे. नगराध्यक्ष पदासाठी आज एक अर्ज दाखल झाला आहे. अशी माहिती निवडणूक निर्णय अधिकाऱ्यांनी दिली.
मंगळवेढ्यात २ डिसेंबर रोजी मतदान होणार आहे. त्यासाठी उद्या सोमवार दि.१७ नोव्हेंबर अखेर उमेदवारांना अर्ज दाखल करता येणार असून, दि.२१ नोव्हेंबर अर्ज माघारीची तारीख आहे.
मंगळवेढा नगरपालिकेच्या निवडणुकीची रणधुमाळी सुरू झाली आहे. शुक्रवारी नगराध्यक्ष पदासाठी राजश्री राजकुमार चेळेकर यांनी अपक्ष अर्ज भरला होता. तर आज संगीता सुरेश कट्टे यांनी अपक्ष अर्ज भरला आहे. आजपर्यंत नगराध्यक्ष पदासाठी दोन अर्ज आले आहेत.
नगरसेवक पदासाठीही अर्ज दाखल करण्याचे काम सुरू आहे. निवडणुकीसाठीची प्रक्रिया वेगाने पुढे सरकत आहे. मतदारांमध्येही उत्सुकता वाढली आहे.
पालिका निवडणुकीसाठी सोमवारपासून (10 नोव्हेंबर) उमेदवारी अर्ज दाखल करण्यास सुरूवात झाली. मात्र, आमदार समाधान आवताडे, अनिल सावंत, राहुल शहा, अजित जगताप, समविचारी आघाडी आदी पक्षगटांमध्ये उमेदवारांबाबत अंतिम निर्णय न झाल्याने पहिल्या दोन तीन दिवसांत अर्ज दाखल प्रक्रियेला प्रतिसाद मिळाला नाही.
आज नगरसेवक पदासाठी 37 अर्ज दाखल झालेले आहेत.
अर्ज दाखल करण्याची अंतिम मुदत उद्या सोमवार 17 नोव्हेंबरपर्यंत आहे. उमेदवारी दाखल करण्यास होणार उशीर लक्षात घेवून राज्य निवडणूक आयोगाने आज रविवारी उमेदवारांना अर्ज दाखल करण्यास परवानगी दिलेली होती.
यामुळे उद्या सोमवार एकच दिवस शिल्लक आहे. त्यामुळे उद्या एका दिवसांत उमेदवारांकडून मोठ्या प्रमाणात गर्दी होण्याची शक्यता वर्तवली जात आहे. सोमवारी आठवडा बाजार असून नगरपालिकेसमोर उमेदवार बाजार भरणार आहे.
नगराध्यक्षा पदावरून गुप्त बैठका
आमदार समाधान आवताडे यांनी भाजप उमेदवार जाहीर केला नाही त्यामुळे आवताडे यांना गळ घालण्यासाठी गुप्त बैठका घेतल्या जात आहेत. दुसरीकडे आघाडी करून उभे राहिलेले उमेदवार कायम आघाडी सोबत राहणार का? हे पाहणे गरजेचे आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
