जनता दरबार! मंगळवेढ्यातील अडीअडचणी व समस्या संदर्भात आ.समाधान आवताडे यांच्या उपस्थितीत आज बैठक

टीम मंगळवेढा टाईम्स।

मंगळवेढा शहराच्या विकास कामाचा आढावा व नागरिकांच्या समस्या संदर्भात बैठक आज सोमवार दि.६ मार्च २०२३ रोजी दुपारी ३.३० वा मंगळवेढा नगरपालिकेच्या सभागृहात बैठक आयोजित करण्यात आली आहे.

आमदार म्हणून पंढरपूर मतदारसंघाची जबाबदारी आपल्या खांद्यावर घेतल्यापासून आवताडे यांनी मंगळवेढा शहराच्या धोरणात्मक प्रगतीसाठी राज्य सरकार मार्फत भरघोस निधीची उपलब्धता करून शहराच्या विकासाला खूप मोठी चालना दिली आहे.

सदर निधीच्या अनुषंगाने विविध विकासकामे होण्यासाठी विचार विनिमय या सदर बैठकीमध्ये होणार आहे.

या बैठकीस आमदार समाधान आवताडे व प्रांतअधिकारी आप्पासाहेब समिंदर व नगरपालिकेचे मुख्याधिकारी निशिकांत प्रचंडराव व नगर प्रशासनातील सर्व अधिकारी उपस्थित राहणार आहे.

तरी नागरिकांनी या आढावा बैठकीसाठी व आपल्या अडीअडचणी व समस्या बाबत लिखित अर्जासह उपस्थित राहावे असे आवाहन मार्केट कमिटीचे सभापती सोमनाथ आवताडे यांनी केले आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.