टीम मंगळवेढा टाईम्स ।
मंगळवेढा तालुका व शहर राष्ट्रवादीच्या नूतन पदाधिकाऱ्यांनी आगामी निवडणूक लक्षात घेऊन पक्षाने दिलेल्या संधीचे सोने करून पक्षवाढीचे काम जोमाने करावे असे प्रतिपादन जिल्हा मध्यवर्ती बँकेचे माजी उपाध्यक्ष बबनराव आवताडे यांनी मंगळवेढा येथे केले.
मंगळवेढा येथील खरेदी विक्री संघाच्या कार्यालयात राष्ट्रवादीच्या नूतन पदाधिकारी यांच्या सत्कार समारंभ प्रसंगी ते बोलत होते.
यावेळी तालुकाध्यक्षपदी पी.बी. पाटील , जिल्हा उपाध्यक्षपदी तानाजी काकडे, तालुका कार्याध्यक्षपदी बसवराज पाटील, शहराध्यक्षपदी चंद्रशेखर कोंडूभैरी तसेच पंडीत गवळी तालुका जनरल सेक्रेटरीपदी यांची निवड झाल्याबद्दल त्यांचा बबनराव आवताडे यांच्या हस्ते सत्कार करण्यात आला.
यावेळी आवताडे यांनी राष्ट्रवादी काँग्रेस पक्षाने नेहमीच शेतकरी व सर्वसामान्यांच्या हिताकडे लक्ष दिले असून सर्वच क्षेत्रात खा.शरद पवार यांचे मोठे योगदान असल्याचे त्यांनी सांगितले.
यावेळी डी.सी.सी. बँकेचे माजी उपाध्यक्ष बबनराव आवताडे, लतीफ तांबोळी, सरपंच रामेश्वर मासाळ ,सामाजिक न्याय प्रदेश सहसचिव विजय खवतोडे, पी.बी . पाटील, तानाजी काकडे, बसवराज पाटील, चंद्रशेखर कोंडुभैरी , पंडित गवळी , आबा माळी , संतोष रोकडे ,
सरपंच गुलाबराव थोरबोले , दिलीप सावंत , संजय पवार , उपाध्यक्ष संजय पाटील , ओबीसी सेलचे सुभाष गोडसे , विद्यार्थी तालुकाध्यक्ष अमर सोमगोडे , मतदारसंघ उपाध्यक्ष सागर गुरव , राजेंद्र अमोगी, सेवादल तालुकाध्यक्ष नाना करपे आदी उपस्थित होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
