टीम मंगळवेढा टाईम्स ।
मरवडे येथील बँकेमध्ये पैसे काढण्यासाठी जाणाऱ्या मोटर सायकलस्वारास पाठीमागून मोटर सायकलने जोराची धडक दिल्याने त्यामध्ये गंभीर जखमी होवून दत्तात्रय नारायण सांगोलकर (वय ४५ रा. कागष्ट) याचा मृत्यू झाला आहे.
या प्रकरणी मोटर सायकलचालक बिराप्पा कांबळे विरूध्द गुन्हा दाखल केला आहे.
या घटनेची हकिकत अशी, यातील मयत दत्तात्रय नारायण सांगोलकर हा सेंट्रीगचे काम करीत होता.दि .२४ रोजी दुपारी ३.३० च्या दरम्यान मरवडे येथील बँकेतून पैसे काढणे व सेंट्रींगचे साहित्य नेण्यासाठी
तो एम एच १३ बी यु ९ ३५५ या मोटर सायकलवरून जात असताना कॉल आल्याने तो रस्त्याच्या कडेला गाडी उभा करून फोनवर बोलत असताना एम एच १३ डी.यु. २४१२ चा चालक भरधाव वेगाने येवून
उभ्या असलेल्या मोटर सायकलवर पाठीमागून जोराची धडक दिल्याने दत्तात्रय सांगोलकर याच्या डोकीस जबर मार लागून तो जागीच मयत झाला असल्याची खबर त्याचा चुलत भाऊ आप्पासो सांगोलकर याने पोलिसात दिल्यावर बिराप्पा कांबळे विरूध्द गुन्हा दाखल करण्यात आला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
