टीम मंगळवेढा टाईम्स ।
मंगळवेढा शहरात असलेल्या इतिहासकालीन भुईकोट किल्ल्याच्या दुरुस्तीसाठी राज्याच्या पुरातत्व व वस्तुसंग्रहालय संचालनाच्या वतीने 1 कोटी 49 लाखाचा निधी मंजूर झाला.
या भुईकोट किल्ल्यांमध्ये छत्रपती शिवाजी महाराजांच्या विजापूर दौऱ्याच्या दरम्यान या किल्ल्यात सात दिवस मुक्काम झाला होता.
मुक्कामामुळे या किल्ल्याला विशेष असे ऐतिहासिक महत्त्व असल्यामुळे हा किल्ला दुरुस्त करावा अशी मागणी या भागातील शिवप्रेमी नागरिकांतून केली जात होते.
परंतु पुरातत्त्व विभागाकडून याकडे सोयीस्करित्या दुर्लक्ष झाल्यामुळे शिवप्रेमी नागरिकांच्या भावना व्यक्त केल्या होत्या.
सदरच्या भुईकोट किल्ल्यामध्ये अनेक पुरातन काळातील मूर्ती असल्यामुळे हा ठेवा भविष्यातील पिढीला प्रेरणादायी असल्यामुळे त्याचे जतन करणे महत्त्वाचे होते.
किल्ल्याचा बुरुज ढासळला व किल्ल्यात असणारे शासकीय कार्यालय व तुरुंग याचे स्थलांतर झाल्यामुळे अधिकच दुरावस्था झाली होती.
हा ऐतिहासिक ठेवा जतन करण्याच्या दृष्टीने आ समाधान आवताडे यांनी विधानसभेत तारांकित प्रश्न उपस्थित करून किल्ल्याची दुरुस्ती करणे गरजेचे असल्याचे सरकारच्या निदर्शनास आणून दिले.
त्यानुसार या किल्ल्याची दुरुस्ती करण्यासाठी पुरातत्व व वस्तू संग्रहालय संचालनाय पुणे या कार्यालयाकडून किल्ल्याच्या देखभाल दुरुस्तीसाठी एक कोटी 49 लाखाचा निधी मंजूर करण्यात आला असून या निधीतून सध्या किल्ल्याचे ढासळलेला बुरुज आणि तटबंदी याचे मजबुतीकरण व सुशोभीकरण करण्यात येणार आहे.
त्यामुळे हा ऐतिहासिक ठेवा पुढच्या पिढीला पाहण्यासाठी उपलब्ध राहणार आहे. या कामाची निविदा प्रक्रिया देखील पूर्ण झाली आहे दुरुस्तीसाठी निधी मंजूर झाल्यामुळे शिवप्रेमी नागरिकांकडून आनंद व्यक्त केला जात आहे.
ऐतिहासिक ठेवा कायम राहणार
महादेव विहीर व किल्ल्याच्या दुरुस्ती निधी उपलब्ध करावा अशी मागणी आपण मुख्यमंत्री एकनाथ शिंदे यांच्याकडे केली होती आमदार समाधान आवताडे यांनी देखील यामध्ये लक्ष घातल्यामुळे दुरुस्तीसाठी निधी उपलब्ध झाल्यामुळे या परिसराचा ऐतिहासिक ठेवा कायम राहणार आहे.- प्रतिक किल्लेदार शहराध्यक्ष शिवसेना.
आणखीन 3.5 कोटीचा निधी उपलब्ध करणार
भुईकोट किल्ला व कृष्ण तलाव सुशोभीकरण करण्यासाठी आपण लक्ष देऊन निधी मंजूर करण्यासाठी प्रयत्न केले त्याबाबत विधानसभेत लक्षवेधी लावल्याने या कामासाठी निधी उपलब्ध झाला आणखीन 3.5 कोटीचा निधी उपलब्ध करणार आहे.- आ. समाधान आवताडे, पंढरपूर मंगळवेढा.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
