भयंकर! डोक्यात फरशी घालून पित्याचा खून; लग्न जमवत नसल्याने मुलाने उचलले टोकाचे पाऊल

टीम मंगळवेढा टाईम्स। 

वडील लग्न जमवत नसल्याने संतप्त झालेल्या मुलाने वडिलांच्या डोक्यात फारशी मारून वडिलांच्या खुनाचा प्रयत्न केल्याची घटना रविवारी रात्री सव्वा नऊच्या सुमारास घडली होती.

मात्र या घटनेत गंभीर जखमी झालेल्या वडिलांचा उपचारादरम्यान सोमवारी रात्री साडेसातच्या सुमारास मृत्यू झाला आहे. या घटनेने पंढरपूर शहरात खळबळ उडाली आहे.

यात हकिकत अशी की, यातील गोपीचंद ऊर्फ जितू हुकूम कदम (वय २८, रा. भगवान नगर, पंढरपूर) व जखमी हुकूम माणिक कदम (वय ५८) हे नात्याने वडील-मुलगा आहेत.

गोपीचंद हा वडिलांकडे लग्न करून द्या म्हणून हट्ट करत होता. रविवारी रात्री सव्वा नऊच्या सुमारास गोपीचंद याने याने हुकूम कदम यांना ‘तू माझे लग्न करीत नाही, तुला आता ठेवत नाही’ असे म्हणून शिवागाळ केली.

त्याचबरोबर त्याने हुकूम यांना जिवे ठार मारण्याचे उद्देशाने घरासमोर पडलेल्या फरशीच्या तुकड्याने व लाकडी फळीच्या तुकड्याने तोंडावर जोराने मारहाण केली.

या मारहाणीत हुकूम गंभीर जखमी झाले. त्यांना उपचारासाठी रुग्णालयात दाखल करण्यात आले होते. मात्र त्यांची प्रकृती अधिक चिंताजनक झाली होती. त्यांचा उपचारादरम्यान मृत्यू झाला आहे.(स्रोत:लोकमत)

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज