कार्यकर्त्यांना संधी! मंगळवेढा तालुक्यात २१ विकास सोसायट्यांना मंजुरी; आमदार आवताडे यांचा सहकारात शिरकाव, ‘या’ गावात नव्या विकास सोसायट्या

टीम मंगळवेढा टाईम्स।

केंद्रात सहकार खाते निर्माण केल्यानंतर सहकारी संस्था काढण्याच्या सूचना भाजपा पदाधिकाऱ्यांना देण्यात आल्या होत्या. त्यामध्ये आमदार समाधान आवताडे यांनी मंगळवेढा तालुक्यात २१ विकास सोसायट्यांना मंजुरी मिळविली आहे.

गेली १० वर्षे केंद्रात व १९९५ नंतर मधली काही वर्षे सोडली, तर सत्तेवर असलेल्या भाजपाला सहकार जम बसवायचा आहे. महाराष्ट्र, गुजरात व इतर काही राज्यांत सहकाराला असलेले महत्व लक्षात घेऊन केंद्रात सहकार खात्याची निर्मिती केली.

त्यानंतर विकास सोसायट्या व सहकारी संस्था काढण्याच्या सूचना भाजपा पदाधिकाऱ्यांना दिल्या आहेत. मात्र, सहकारी संस्था व विकास सोसायट्या नोंदणीसाठी प्रस्तावच आले नाहीत. याला अपवाद ठरले आहेत, मंगळवेढा-पंढरपूरचे आमदार समाधान आवताडे.

आमदार आवताडे यांनी तालुक्यातून नव्याने २२ विकास सोसायट्यांचे प्रस्ताव मंजुरीसाठी सादर केले होते. त्यापैकी २१ प्रस्ताव मंजूर झाले आहेत.

या गावात नव्या विकास सोसायट्या..

लक्ष्मी विकास सोसायटी येडराव, जिजामाता विकास संस्था हिवरगाव, सिद्धेश्वर विकास संस्था माचनूर, पीतांबर विकास संस्था रहाटेवाडी, जय हनुमान विकास संस्था येळगी, कै. दत्तात्रय भाकरे विकास संस्था आंधळगाव, बनशंकरी विकास संस्था लक्ष्मीदहीवडी, बाळूमामा विकास संस्था मानेवाडी, बिरोबा विकास संस्था रेवेवाडी,

माउली विकास संस्था नंदेश्वर, माणगंगा विकास संस्था मारापूर, लक्ष्मी विकास संस्था मुंढेवाडी, महादेव (अण्णा) आवताडे विकास संस्था भोसे, शिवराज विकास संस्था बोराळे, वेताळ विकास संस्था शिरशी, आमसिद्ध अण्णा केदार डोणज, संत गाडगेबाबा विकास संस्था बावची,

संतभूमी विकास संस्था मंगळवेढा, स्व. धानप्पा माने विकास संस्था कात्राळ, संतमेळा विकास संस्था मंगळवेढा, सिद्धेश्वर विकास संस्था तळसंगी आदी विकास संस्था नियोजित आहेत.

डीसीसी समितीत अन् बाजार सोसायट्यांना महत्त्व

जिल्हात माजी आमदार दिगंबर बागल यांनी करमाळ्यात १६, दक्षिण सोलापूर तालुक्यात सुरेश हसापुरे यांनी १४ विकास सोसायट्या मंजूर केल्या होत्या. त्यानंतर मंगळवेढा तालुक्यात २१ सोसायट्यांना मंजुरी मिळाली आहे. बाजार समिती व जिल्हा मध्यवर्ती बँकेच्या निवडणुकीसाठी या सोसायट्या महत्त्वाच्या ठरणार आहेत.(स्रोत;लोकमत)

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.