टीम मंगळवेढा टाईम्स ।
संत दामाजी सहकारी साखर कारखान्याची निवडणूक अंतिम टप्प्यात आली असून आज भर पावसात आमदार समाधान आवताडे विरोधकावर बरसले. आवताडेंनी आपल्या खास शैलीत विरोधकांची धुलाई केली.
दामाजी कारखाना निवडणुकीची रणधुमाळी शेवटच्या टप्प्यात आली आहे. आज मारापुर, लक्ष्मी दहिवडी, गोणेवाडी, पाटखळ, अरली, तळसंगी येथे सभा घेतल्यानंतर रात्री आमदार आवताडे मरवडयात धडकले.
विरोधकांनी दामाजी कारखान्या संबधित केलेल्या खोट्या अपप्रचाराला,भुलथापा व अफवांना जंगी सभेत जोरदार उत्तर दिले.
विशेष म्हणजे आवताडे भाषणासाठी उभे राहताच पावसाने जोरदार हजेरी लावली. त्यामुळे आवताडे यांच्या भाषणावर पाणी पडणार असे सर्वांना वाटत होते.
मात्र आ.आवताडेंनी पावसाची परवा केली नाही. भर पावसात त्यांनी फटकेबाजी सुरू केली. न थांबता आवताडेंनी वीस मिनिटं तडाखेबंद भाषण केलं. या दरम्यान त्यांनी विरोधकांना झोडपून काढले.
येणाऱ्या काळात कारखाना कर्जमुक्त होणार आहे, डीसलरी प्रकल्प सुरू होणार आहे. गेली सहा वर्षे जसा कारखाना सुरू होता त्यापेक्षा जास्त क्षमतेने कारखाना पुढील काळात सुरु राहणार आहे.
विरोधकांचा करेक्ट कार्यक्रम करण्यासाठी मंगळवेढेकर 12 जुलैची वाट पाहत आहेत असे आवताडे म्हणाले.
या निवडणुकीमध्ये आमच्या पॅनलला साक्षात वरूणराजाने आशीर्वाद दिले आहेत आणि त्या आशीर्वादाच्या बळावर सभासद पुन्हा एकदा सेवेची संधी देणार असल्याचा विश्वास आ.आवताडे यांनी व्यक्त केला.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
