टीम मंगळवेढा टाईम्स ।
अल्पवयीन मुलीस लग्नाचे अमिष दाखवून मोटर सायकलवरून पळवून घेवून जात असताना मंगळवेढा शहराजवळील रिलायन्स पेट्रोल पंपाजवळ नातेवाईकांनी पकडले.
या प्रकरणी ओंकार अनिल भिंगारे (वय १९ ) , ओंकार बाळकृष्ण रावे (वय २० दोघेही रा.पंढरपूर) व एक अल्पवयीन अशा तीघाविरूध्द पोलिसांनी गुन्हा नोंदवून दोघांना तात्काळ अटक करण्यात आली आहे.
या घटनेची हकिकत अशी , यातील १६ वर्षीय अल्पवयीन मुलगी मरवडेची असून तीच्या शेजारी राहणाऱ्याकडे वरील तीघेजण आले होते.या आरोपीनी दि.२२ च्या पहाटे २.३० च्या दरम्यान तीघांनी संगनमत करून अल्पवयीनन मुलीस लग्नाचे अमिष दाखवून मोटर सायकल क्र.एम एच १३ सी ए ३५०३ या मोटर सायकलवर बसवून फूस लावून पळवून नेण्याचा प्रकार घडला.
अल्पवयीन मुलीला पळवून नेताना गावातील एका सजग नागरिकाने पाहिले. व त्याने पिडीत मुलीच्या आई वडीलांना याबाबत कल्पना दिली.
आई वडीलांनी सर्वत्र शोधाशोध करीत मंगळवेढा शहराकडे जात असताना शहरानजीक असलेल्या रिलायन्स पेट्रोल पंपाजवळ वरील क्रमांकाच्या मोटर सायकलवरून मुलीस पळवून नेताना हे मिळून आल्याचे दिलेल्या फिर्यादीत म्हटले आहे.
या घटनेची फिर्याद पिडीत मुलीच्या आईने दिल्यानंतर आरोपीविरूध्द बाललैंगिक अपराधापासून संरक्षण व अ.जा.प्र.कायदयानुसार गुन्हा दाखल करण्यात आला असून याचा अधिक तपास विभागीय पोलिस अधिकारी दत्तात्रय पाटील हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
