खळबळ! विवाहित महिला व मुलगी बेपत्ता, पतीची पोलिसात तक्रार; मंगळवेढा तालुक्यातील घटना

टीम मंगळवेढा टाईम्स। 

मंगळवेढा तालुक्यातील ब्रम्हपुरी गावाजवळून २६ वर्षीय विवाहित महिला, तीन वर्षीय मुलगी असे दोघेजण बेपत्ता झाले असल्याची तक्रार विवाहित महिलेच्या पतीने मंगळवेढा पोलिसात केली असून त्या मायलेकीचा पोलिस कसून शोध घेत आहेत.

पोलिस सुत्रांनी दिलेली माहिती अशी, दि. २७ रोजी दुपारी ४.१५ वा. तक्रारदार यांची २६ वर्षीय पत्नी व तीन वर्षीय मुलगी हे गावात किराणा माल आणतो असे म्हणून निघून गेले होते.

मंगळवेढा तालुक्यातील ब्रम्हपुरी गावाजवळ तक्रारदाराच्या मित्रांनी मायलेकींना दुचाकीवरून जात असताना पाहिले होते.त्यामुळे ब्रम्हपुरी परिसर व मंगळवेढा परिसर येथे सदर महिलेच्या पतीने कसून शोध घेतला

मात्र त्या मिळून आल्या नाहीत. त्यांचे वर्णन पुढीलप्रमाणे – वय २६ वर्षे, अंगाने सडपातळ, रंग निमगोरा, उंची ५ फुट, २ इंच, केस वेणी घातलेले, नेसणेस अंगात निळ्या व जांभळ्या रंगाची गाऊन, शिक्षण सातवी,

तर मुलीचे वय ३ वर्षे, अंगाने सडपातळ, रंग निमगोरा, उंची २ फुट, केस बारिक, नेसणेस निळ्या रंगाचा टी शर्ट अशा वर्णनाची

मायलेकरे कोणाच्या निदर्शनास आल्यास त्यांनी तपासिक अंमलदार पोलिस नाईक चंदनशिवे यांच्याशी संपर्क साधावा असे आवाहन करण्यात आले आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज