टीम मंगळवेढा टाईम्स ।
शुक्रवारी रात्री साडे आठ वाजण्याच्या सुमारास पंढरपूर तालुक्याच्या पश्चिम भागात सोसाट्याच्या वाऱ्यासह सुमारे दहा मिनिटे अवकाळी पावसाने हजेरी लावली.
शिवाय मंगळवेढा तालुक्यातील ब्रह्मपुरी, मरवडे आदी भागात अवकाळी पाऊस झाला. या पावसामुळे बागा काढणीला आलेल्या द्राक्ष बागायतदारांची झोप उडाली असून आणखी २ दिवस तालुक्यात अवकाळी पाऊस, वादळी वारे राहील असा अंदाज व्यक्त होत आहे.
शुक्रवारी दिवसभर वातावरणात फारसा लक्षणीय बदल दिसत नव्हता. मागील पंधरा दिवसांपासून उन्हाची तीव्रता वाढत असून शुक्रवारी सुद्धा उन्हाचा कडाका कायम होता.
रात्री साडे आठ वाजण्याच्या सुमारास वाखरी, गादेगाव, भांडी शेगाव सह इतर गावात अचानक सोसाट्याचे वारे, धुळीचे लोट उठले. त्यापाठोपाठ अवकाळी पावसाच्या सरी कोसळल्या. सुमारे दहा मिनिटे पाऊस पडत होता.
पापरीत पावसाचा शिडकावा
मोहोळ तालुक्यातील पापरी परिसरातही शुक्रवारी रात्री साडे नऊ च्या दरम्यान वादळी वाऱ्यासह पावसाने हजेरी लावली. या पावसाने दिवसभर उकाड्याने हैराण झालेल्या ग्रामस्थांना पावसाच्या शिडकाव्याने दिलासा मिळाला.
रात्री साडे नऊच्या दरम्यान आकाशात विजांची चकमक सुरू होऊन ढगांचा गडगडाटनंतर संततधार पावसास सुरुवात झाली. १५ मिनीटच पाऊस पडला मात्र हवेत गारवा निर्माण झाला. दिवसभर कडक ऊन होते. रात्री अचानक पावसाचे वातावरण निर्माण होऊन पावसाची सुरुवात झाली.(स्रोत; दिव्य मराठी)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
