मंगळवेढा टाईम्स न्युज नेटवर्किंग।
मंगळवेढा नगरपरिषद निवडणुकीसाठी राज्य निवडणूक आयोगाने निवडणूक कार्यक्रम जाहीर केल्यानंतर सोमवारी अर्ज भरण्याची प्रक्रिया सुरू झाली.
मात्र पहिल्याच दिवशी मंगळवेढा नगरपरिषदेसाठी कोणत्याही उमेदवाराकडून एकही अर्ज दाखल न झाल्याची माहिती निवडणूक विभागातून देण्यात आली. त्यामुळे राजकीय वर्तुळात विविध चर्चांना उधाण आले आहे.
अर्ज दाखल करण्याचा पहिला दिवस शांततेत गेला. सकाळपासून दुपारपर्यंत अर्जदारांनी माहिती घेण्यासाठी निवडणूक कार्यालयात उपस्थिती लावली, मात्र कोणताही उमेदवार प्रत्यक्ष अर्ज घेऊन आला नाही. शिवाय विविध पक्षांचे स्थानिक नेते, संभाव्य उमेदवार कार्यालयात फिरताना दिसले,
परंतु अधिकृत अर्ज दाखल करण्याचे धाडस कोणीही केले नाही. राजकीय जाणकारांच्या मते, प्रभाग रचनेत झालेल्या बदलांमुळे अनेक उमेदवार संभ्रमात आहेत. पक्षांतराचे वारे सुरू असल्याने अंतिम नावांची घोषणा प्रलंबित आहे.
पक्षांतर्गत तिकीटवाटपासाठी अजूनही चर्चा सुरू आहेत. या सर्वांचा परिणाम अर्ज दाखल प्रक्रियेवर दिसून आला. अधिकाऱ्यांची पूर्ण तयारी, परंतु उमेदवारांकडून प्रतिसाद नाही.
नगरपरिषद निवडणूक अधिकारी, कर्मचारी यांनी दिवसभर अर्ज स्वीकृतीसाठी तयारी ठेवली होती. सुरक्षा व्यवस्था, CCTV, व्हिडिओ रेकॉर्डिंग, नामनिर्देशन कक्षांची व्यवस्था याबाबत कोणतीही कमतरता नव्हती. मात्र अर्जदारांच्या अनुपस्थितीमुळे कार्यालयात दिवसभर शांतता होती.
आगामी दिवसांमध्ये गती येण्याची शक्यता
राजकीय समीक्षकांचे मत आहे की पहिला दिवस साधारणपणे शांत जातो. बहुतांश उमेदवार शुभमुहूर्त, पक्षाची अधिकृत घोषणा आणि अंतर्गत चर्चांची वाट पाहतात.त्यामुळे पुढील दोन-तीन दिवसात अर्ज दाखल प्रक्रियेला वेग येईल, असा अंदाज वर्तवण्यात येत आहे.
अर्ज दाखल करण्याची अंतिम तारीख दि.१७ नोव्हेंबर २०२५ असुन निवडणूक आयोगाकडून जाहीर केलेल्या कार्यक्रमानुसार,
नामनिर्देशन दाखल करण्याची अंतिम तारीख :त्यानंतर अर्ज छाननी, अर्ज मागे घेण्याची अंतिम तारीख आणि मतदानासंबंधी प्रक्रिया पार पडणार आहे.
एकूणच पहिल्या दिवशी राजकीय शांतता… पण आतून सुरू गती, ऑन लाईन अर्ज भरणेस अडथळा येत असले बाबत अनेक इछुकांनी सांगितले. पहिल्या दिवसाची निरव शांतता ही पुढील घडामोडींचा संकेत नसून, उलट बॅक-डोअर राजकीय हालचालींना गती मिळाल्याचे द्योतक असल्याचे जाणकार म्हणतात.
आगामी दिवसांत विविध प्रभागांमध्ये कोणाची बाजू जड ठरणार, कोणते नवे चेहरे उभे राहणार, आणि कोणाचे पक्षांतर निश्चित होणार, याकडे शहरवासियांचे लक्ष लागले आहे.
ऑनलाईन अर्ज भरण्यास अडथळा
मंगळवेढा नगरपालिका निवडणुकीसाठी ऑनलाईन अर्ज भरण्यामध्ये सबमिटचा ऑप्शन क्लोज होत नसल्यामुळे आज अर्ज भरता आला नाही. – प्रकाश खंदारे, साठे नगर, मंगळवेढा
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
