टीम मंगळवेढा टाईम्स ।
ऊसतोड हंगाम करून घराकडे परतत असताना झालेल्या अपघातातील जखमी झालेल्या सपना परशुराम ऐवळे (वय 22 रा.चिक्कलगी ता.मंगळवेढा) या महिलेचा सांगली येथील शासकीय रुग्णालयात उपचारादरम्यान काल रात्री मृत्यू झाला या अपघाताला मृतांची संख्या आता पाच वर पोहोचली आहे.
दोन एप्रिल रोजी मध्यरात्री कोल्हापूर जिल्ह्यातील शिरोळ येथील गुरुदत्त साखर कारखान्याचा ऊसतोड हंगाम करून गावाकडे परतत असताना नागपूर रत्नागिरी या राष्ट्रीय महामार्गावर आगळगाव फाट्याजवळ रस्त्यालगत ट्रॅक्टर मध्ये बिघाड झाल्यामुळे थांबला होता.
या ट्रॅक्टरला पाठीमागून भरधाव वेगात ट्रकने दिलेल्या धडकेत हा अपघात झाला.त्यामध्ये शिरनांदगी व चिक्कलगीतील चौघाचा मृत्यू झाला.
यात मृत महिलेच्या तीन वर्षीय मुलीचा मृत्यू झाला. त्यानंतर पाच दिवसानंतर आईचा देखील मृत्यू झाला. तर जखमी एक वर्षाच्या लक्ष्मीवर सध्या उपचार सुरू आहेत त्यामुळे या अपघातातील मृतांची संख्या आता पाच वर पोहोचली असून आणखीन नऊ जण उपचार घेत आहेत
परिस्थितीशी संघर्ष करत ऊस तोडणी व्यवसायातून उदरनिर्वाह करत असताना झालेल्या अपघातात एकाच कुटुंबातील मुलगी व पत्नीच्या मृत्यूने उघड्यावर पडले आहेत.
मयत व जखमी रुग्णांना शासकीय मदतीची घोषणा केली असले तरी हे कुटुंबीय गरीब असल्यामुळे त्यांना खासगी उपचारासाठी आर्थिक अडचणी येत असून परिणामी शासकीय रुग्णालयात उपचारासाठी संघर्ष करावा लागत आहे. त्यामुळे शासकीय मदत उपचारासाठी कधी मिळणार असा सवाल जखमी रुग्णाच्या नातेवाईकातून विचारला जात आहे
साखर आयुक्त, समाज कल्याण आयुक्तांनी भेट देऊन विचारपूस केली असली तरी प्रत्यक्षात शासकीय उपाययोजना कधी करणार हा देखील प्रश्न या निमित्ताने समोर येऊ लागला आहे.
या अपघातातील अनेक जखमीकडे रेशन कार्ड व आधार कार्डचा अभाव असल्यामुळे उपचारासाठी अडचणी निर्माण झाल्या आहेत.शिवाय खाजगी रुग्णालयातील महागडे उपचार घेण्यासाठी त्यांच्याकडे आर्थिक परिस्थिती नसल्यामुळे जखमेवर उपचार होत नसल्याने शासनाने यासाठी पुढाकार घेऊन तातडीने उपचार करणे गरजेचे आहे.नितीन पाटील,माजी सदस्य पंचायत समिती
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
