टीम मंगळवेढा टाईम्स।
अनिल सावंत यांना आमदार करून आपण विधानसभेत पाठवावे, आमदार झाल्यानंतर या मतदारसंघात एकही प्रश्न शिल्लक राहणार नाही व मंगळवेढा तालुक्यातील दुष्काळी भागाचे नंदनवन करून शेतीला पाणी मिळवून देणार असे आश्वासन खासदार धैर्यशील मोहिते पाटील यांनी दिले आहे.
महाविकास आघाडीचे अधिकृत उमेदवार अनिल सावंत यांच्या प्रचार्थ गावभेट दौऱ्यात आंधळगाव, भोसे, येथील आयोजित सभेत ते बोलत होते.
याप्रसंगी माजी मंत्री लक्ष्मणराव ढोबळे, राष्ट्रवादी काँग्रेसचे जेष्ठ नेते राहुल शहा, जिल्हाध्यक्ष रविंद्र पाटील, काँग्रेस प्रदेश सरचिटणीस फिरोज मुलाणी, शिवसेना शहरप्रमुख दत्तात्रय भोसले, माजी उपनगराध्यक्ष मुजफ्फर काझी, काशीनाथ पाटील, राजू मेथकुटे, लवंगीचे आप्पासाहेब माने, राष्ट्रवादी युवती जिल्हाध्यक्ष वृषाली इंगळे,
आंधळगाव सरपंच लव्हाजी लेंडवे, माजी सरपंच तुकाराम चव्हाण, सागर गुरख, विजय बुरकुल, नानासो करपे, जमीर इनामदार, पंडीत गवळी, वृषाली इंगळे, माणीक गुंगे, आजी माजी ग्रा.पं सरपंच उपसरपंच, सदस्य आदीजन उपस्थित होते.
खा.धैर्यशील मोहिते पाटील पुढे बोलताना म्हणाले की, शरद पवार साहेबांच्या मार्गदर्शनाखाली आम्ही सर्वजण काम करत आहोत. अनिल सावंत आमदार झाले की दुष्काळी भागात पेशवाई राहणार नाहीत.
महाविकास आघाडीने पंचसूत्री योजना राबविण्यात येणार आहे. त्यामध्ये कृषी समृद्धी अंतर्गत शेतकऱ्यांना 3 लाखापर्यत कर्जमाफी देण्यात येणार आहे. तसेच नियमित कर्ज फेडीसाठी 50,000 रु प्रोत्साहन
राज्यातील सर्व नागरिकांना मोफत औषध व कुटुंब रक्षण 25 लाखांपर्यंत आरोग्य विभा मोफत देण्यात येणार आहे. महालक्ष्मी योजनेतून महिलांसाठी दरमहा 3000 रु महिला व मुलींसाठी मोफत प्रवास सुविधा उपलब्ध करून देण्यात येईल.
युवक व बेरोजगार तरुणांसाठी ही महाविकास आघाडीने विविध योजना सुरू करणार आहेत त्यामुळे अनिल सावंत यांना विजयी करून काम करण्याची संधी द्यावी असे आव्हाने खासदार मोहिते पाटील यांनी केले.
उमेदवार अनिल सावंत बोलताना म्हणाले की, गेल्या कित्येक वर्षापासून मंगळवेढा तालुक्यातील हा दुष्काळी भागातील पाणी प्रश्न असाच प्रलंबित पडला आहे.
मला एकदा संधी देऊन बघा या भागातील पाणी प्रश्न आमदार झाल्यावर लगेच मार्गी लावणार असल्याचे त्यांनी सांगितले.
मंगळवेढा तालुक्यातील बेरोजगारी मोठ्या प्रमाणात आहे. उद्योग कमी असल्यामुळे हजरो तरुण बेरोजगार आहेत. नवीन उद्योग सुरू करून बेरोजगार तरुणांच्या हाताला काम मिळवून देणार असल्याचे सांगितले.
राहुल शहा बोलताना म्हणाले की, सर्वांना विश्वासात घेऊन अनिल दादा सावंत यांना उमेदवारी दिली. पूर्वीपासून हा मतदारसंघ शरद पवार यांना मानणार आहे. या दोन्ही तालुक्यात मोठ्या मताधिक्याने आपला विजय निश्चित आहे.मंगळवेढा तालुक्यातील अनेक विकासाचे प्रश्न अजून बाकी आहेत.
बसवेश्वर स्मारक, चोखामेळा स्मारक, मंगळवेढा पर्यटन स्थळ म्हणून विकसित करण्याचा भाग असेल, त्याचप्रमाणे पंढरपूर मंगळवेढा शहरातील विविध प्रश्न या निमित्ताने अनिल सावंत यांचे माध्यमातून सोडवले जातील असा मला विश्वास वाटतो असेही प्रतिपादन राहुल शहा यांनी केले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
