टीम मंगळवेढा टाईम्स।
कुस्तीपटूंना तसेच जीम मधील बॉडी बिल्डरांना पॉवर देणाऱ्या ‘मेफेन टेरेफिन सल्फेट’ या इंजेक्शनची बेकायदा विक्री करणाऱ्या तीन मेडिकलचा परवाना रद्द करण्यात आला आहे.
सोलापूर जिल्हा अन्न व औषध प्रशासनाने ही कारवाई केली असून संबंधीत मेडिकल चालकांवर गुन्हा नोंदवण्याची तक्रार औषध प्रशासनाने पाेलिसांकडे दिली आहे.
अकलूज येथील दीपक मेडिकल, वेळापूर येथील राजलक्ष्मी मेडिकल तसेच श्रीपूर येथील ओमसाई मेडिकलवर ही कारवाई झाली आहे.
मेफेन टेरेफिन सल्फेट या इंजेक्शनची बेकायदा विक्री होत असल्याची तक्रार अकलुजचे धैर्यशील मोहिते-पाटील यांनी अन्न व औषध प्रशासनाकडे केली होती.
५ डिसेंबरला तक्रार आल्यानंतर औषध प्रशासनाकडून चौकशी सुरु झाली. चौकशीनंतर २१ डिसेंबर रोजी संबंधीत तीन मेडिकल चालकांना कारणे दाखवा नोटीस बजावली. त्यानंतर ३० डिसेंबर रोजी परवाना रद्द करण्यात आला.
त्यानंतर संबंधीतांवर गुन्हे दाखल करण्याची तक्रार औषध प्रशासनाने पोलिसांकडे दिली आहे. या प्रकरणी आणखी काही मेडिकलची चौकशी सुरू असून त्यांच्यावरही कारवाई होण्याची शक्यता आहे.
विशेष म्हणजे, अकलूज येथील दीपक मेडिकलने तीन वर्षात आठ हजाराहून अधिक इंजेक्सशनची विक्री केली आहे. राजलक्ष्मी तसेच ओमसाई मेडिकल या दोघांना दीपक मेडिकलने इंजेक्शनचा पुरवठा केला आहे, अशी माहिती औषध प्रशासनाचे अरुण गोडसे यांनी दिली.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
