दिलासादायक! अखेर नऊ महिन्यांनंतर मिळाला लाडक्या बहिणींचा अर्जाचा भत्ता; खात्यावर जमा होऊ लागले ‘प्रोत्साहन’; ‘ती’ नावे उडविण्यात येणार

मंगळवेढा टाईम्स न्युज नेटवर्क ।

मुख्यमंत्री माझी लाडकी बहीण योजनेसाठी अर्ज भरलेल्या अंगणवाडी सेविकांच्या प्रोत्साहन भत्त्यापोटी सोलापूर जिल्ह्याच्या महिला आणि बालविकास विभागाला निधी प्राप्त झाला असून, तो अंगणवाडीसेविका व मदतनिसांच्या खात्यावर जमा होण्यास सुरुवात झाली असल्याचे जिल्हा परिषदेच्या महिला व बालकल्याण विभागाने सांगितले.

दरम्यान, मुख्यमंत्री माझी लाडकी बहीण योजनेसाठी जिल्ह्यातील अंगणवाडीसेविका व मदतनीस, महा-ई-सेवा केंद्र चालकांनी लाडक्या बहिणींचे अर्ज भरले होते. सरकारने प्रत्येक अर्जासाठी प्रोत्साहन भत्ता म्हणून ५० रुपये देण्याचे जाहीर केले होते.

लाडक्या बहिणींना पैसे मिळायला सुरुवात होऊन ९ महिने होत आले, तरी त्या अंगणवाडीसेविका आणि मदतनिसांना प्रोत्साहन भत्ता मिळाला नव्हता. प्रोत्साहन भत्ता मिळावी, अशी मागणी जोर धरू लागताच, शासनाने निधीची तरतूद करून आता सेविका व मदतनिसांच्या खात्यावर जमा करण्यास सुरुवात केली आहे.

‘ती’ नावे उडविण्यात येणार

अंगणवाडीसेविकांनी पडताळणी केलेला चारचाकीसंदर्भातील अहवाल आरटीओ विभागाकडे देण्यात येणार आहे. त्यानंतर, आरटीओकडूनही पडताळणी होणार असून, त्यानंतर चारचाकी नावावर असलेल्यांची नावे पहिल्या टप्प्यात उडविण्यात येणार असल्याचे शासनाकडून सांगण्यात आले.

लाडक्या बहिणींच्या नावावर चारचाकी आहे का नाही, याबाबतची पडताळणी करण्याच्या सूचना प्राप्त झाल्या होत्या. त्यानुसार, सेविकांनी घरोघरी जाऊन तपासणी केली, या तपासणीचे काम ७० टक्के पूर्ण झाले आहे.

अंगणवाडी सेविका व मदतनिसांना लाडक्या बहिणींचे अर्ज भरले होते. त्या अर्जाचा प्रोत्साहन भत्ता खात्यावर जमा करण्यास सुरुवात झाली आहे.-प्रसाद मिरकले, महिला व बालविकास अधिकारी,

निकषात बसत नसतानाही लाडकी बहीण योजनेचा लाभ घेत असलेल्या सोलापूर जिल्ह्यातील ७० टक्के बहिणींची अर्जाची तपासणी अंगणवाडीसेविकांनी पूर्ण केली आहे. प्रत्यक्षात घरी जाऊन अंगणवाडीसेविकांनी कार आहे की नाही, याची तपासणी करून तसा अहवाल जिल्हा परिषदेच्या महिला व बालकल्याण विभागाकडे पाठविला आहे.(स्रोत:लोकमत)

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज