टीम मंगळवेढा टाईम्स ।
मंगळवेढा तालुक्यातील नंदूर येथील हेगडे प्रकरणात पोलिसांकडून आजारी महिलेचा आधार घेऊन मयत नागेश नाथा हेगडे याच्या मृत्यू प्रकरणातून बचावासाठी चक्क आजारी महिलेवर केस ठोकून बचावाचा प्रयत्न होत असल्याची टीका नंदूरचे सरपंच दामोदर कांबळे यांनी पत्रकारांशी बोलताना केली.
ते पुढे बोलताना म्हणाले , शुक्रवार दि 21 रोजी सकाळी 10 ते 11 च्या दरम्यान नंदूर येथे नाथा हेगडे यांच्या राहत्या घरी कोणाच्या तरी सांगण्यावरून धाड टाकणे, हेगडे कुटुंबावर दहशत ठेवणे, नव्याने घेतलेला बिट अधिकारी म्हणुन कर्तव्याचे भान विसरत गरीब हेगडे कुटुंबाला टार्गेट करीत फिल्मी स्टाईलने करण्यात आलेल्या कारवाईत निष्पाप मयत नागेश हेगडे याचा बळी गेला, पोलिसांच्या कारवाईत पोलीस पीच्या करीत असल्याचे पाहताच बचावासाठी जीवाची पर्वा झाली नाही.
यावर नंदूर ग्रामस्थ, होलार समाज न्याय प्रतीक्षेत असताना पोलिसांनी मात्र स्वतःच्या बचावासाठी हेगडे कुटुंबातील सतत आजारी असणाऱ्या नंदा नाथा हेगडे यांच्यावर केस दाखल करीत 676 रुपये किंमतीचा माल सापडल्याची फिर्याद दाखल केली आहे.
मात्र या केस मध्ये नंदूर येथील सरपंच, पोलीस पाटील, तंटामुक्तीचे अध्यक्ष अशी शासनाचे जबाबदार लोक गावपातळीवर असतानाही हेगडे कुटुंबात माल सापडल्याचे सांगून बचावाचा अतोनात प्रयत्न केला जातोय.
नंदा हेगडे ह्या गेली दोन वर्षे गुडगा दूख्खी आजाराने त्रस्त आहेत, त्या जागीच बसून आहेत, कुटुंब प्रमुख नाथा हेगडे, मुलगा आपा हेगडे असतानाही नव्याने बिट अधिकार म्हणून चार्ज घेतलेल्या मॅडमनी बचावासाठी महिलेवर केस दाखल करण्याचा प्रथाप केला आहे.
आज कोरोनाची भयावह परस्थिती असताना, आरोग्य विभागाला पोलीस खात्याची गरज असताना त्याकडे दुर्लक्ष करून बोराळे बिटच्या नव्या अधिकारी घरगुती दारू विक्रेत्यावर खबऱ्या लोकांच्या सांगण्यावर अंकुश ठेवण्याचा प्रयत्न केला.
आज तालुक्यात किती धंदे सुरू व कोणाच्या आशिर्वादाने सुरू आहेत, जनतेनी पोलिसांस नव्याने सांगणे आवश्यक नाही, तरी पोलिसांनी कर्त्याव्याची जबाबदारी बाजूला ठेवून नंदूर प्रकरणात पळवाट कडून हेगडे कुटुंबावर अन्याय करू नये अन्यथा महाराष्ट्र राज्यातील समस्त होलार समाज रस्त्यावर उतरेल असा इशारा हेगडे यांनी दिला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
