टीम मंगळवेढा टाइम्स ।
होमगार्डला मारहाण करून शासकीय कामात अडथळा केल्याप्रकरणी बालाजीनगर येथील दोघांवर मंगळवेढा पोलिसांनी गुन्हा दाखल केला आहे.
शुक्रवारी सायंकाळी ५.१८ वाजता मंगळवेढ्यात बालाजीनगर येथे ही घटना घडली असून, याबाबत होमगार्ड ज्ञानेश्वर मेटकरी (वय ३४) यांनी फिर्याद दिली आहे.
पोलीस सूत्राकडून मिळालेल्या माहितीनुसार बालाजीनगर ग्रामपंचायत येथे निवडणुकीत मेटकरी हे गणवेशात काम करीत होते. निवडणुकीचे कामकाजाची प्रक्रिया सुरू असताना आरोपी युवराज बंडू पवार (वय २९), मिथुन महादेव पवार (दोघे राहा. बालाजीनगर) हे दोघे वारंवार मतदान केंद्रावर ये-जा करीत होते. त्यांना तुम्ही सारखे मतदान केंद्रावर कशाला ये-जा करता असे विचारले असता दोघेही अंगावर धावून आले.
सेवा करून तू मला कायदा शिकवू नकोस..आमच्या पगारवर जगतो, असे म्हणत मेटकरी यांच्या शर्टाच्या कॉलरला पकडले. त्यानंतर मारहाण करून शासकीय कामकाजात अडथळा निर्माण केला आहे. अधिक तपास सहायक पोलीस निरीक्षक बुरसे करत आहेत.
मंगळवेढा तालुक्यात ७९.५९ टक्के मतदान
मंगळवेढा तालुक्यामध्ये २२ गावांमध्ये ग्रामपंचायत निवडणुकीमध्ये मतदान झाले. हे मतदान जवळजवळ ७९.५९ टक्के इतके मतदान आले आहे.
यामध्ये नंदेश्वर, बोराळे, मरवडे, सिद्धापूर, माचणूर, गणेशवाडी, लवंगी, सलगर बुद्रुक या गावांमध्ये मोठ्या चुरशीने मतदान झाले. या निवडणुकीमध्ये मोठ्या संख्येने परगावी राहणारे ऊसतोड मजूर, मुंबई, पुणे, आदी भागांतून नागरिकांना मतदानासाठी खास करून उमेदवाराने आणले होते. विविध ठिकाणी मतदारांच्या जेवणाची सोय प्रमुख उमेदवारांनी केली होती.
सिद्धापूर, नंदेश्वर, मरवडे, सलगर बुद्रुक याठिकाणी मतदान झाले. सकाळपासूनच मतदानाला महिला व पुरुषांची गर्दी होती. सकाळी-सकाळीच वयोवृद्ध मंडळींना मतदानाला आणण्यासाठी वाहनांची सोय केली होती.
तालुक्यामध्ये या निवडणुकीत उपविभागीय पोलीस अधिकारी दत्तात्रय पाटील, पोलीस निरीक्षक ज्योतीराम गुंजवटे, प्रांताधिकारी उदयसिंह भोसले, तहसीलदार स्वप्निल रावडे यांच्यासह विविध निवडणूक अधिकाऱ्यांनी मतदानाच्या ठिकाणी भेटी दिल्या.
असे झाले मतदान
मरवडे ४७०६ पैकी ३८१७, लमाणतांडा १३२९ पैकी १०३९, कात्राळ-कर्जाळ ११६९ पैकी ८६७, बोराळे ४१४३ पैकी ३३९७, सिद्धापूर २९३८ पैकी २५२५, अरळी २०८० पैकी १७६१, तांडोर ९३२ पैकी ८२५, हुलजंती ३७०४ पैकी २९५४, आसबेवाडी ९२८ पैकी ८५६, सलगर बु. ३४६८ पैकी २६८७, लवंगी २३८६ पैकी १७९१, डोणज ३०८८ पैकी २५७३, माचणूर १७९५ पैकी १५०६, तामदर्डी २२१ पैकी १७०, कचरेवाडी २३९८ पैकी १८७३, गणेशवाडी १२९५ पैकी ९७९, लेंडवे चिंचाळे २०८५ पैकी १७४७, महमदाबाद शे. ७०२ पैकी ६५८, घरनिकी ४३३ पैकी ३६९, मल्लेवाडी ८४६ पैकी ७२६, भोसे ४७४६ पैकी २८६६, नंदेश्वर ५२८३ पैकी ४३४४ असे २१ ग्रामपंचायतींसाठी ७९.५९ टक्के मतदान झाले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
