टीम मंगळवेढा टाईम्स।
सोलापूर जिल्ह्यातील दक्षिण सोलापूर तालुक्यातील लवंगी गावात आज दुपारच्या सुमारास एक ह्रदयद्रावक घटना घडली आहे. नदीत पोहोण्यासाठी गेलेली चार मुले वडिलांच्या डोळ्यादेखत वाहून गेली.
वाहून गेलेल्या चौघांमध्ये तीन मुली आणि एका मुलाचा समावेश आहे. मुले वाहून गेल्याची माहिती मिळताच तात्काळ शोधकार्य सुरू करण्यात आले. स्थानिक पोलीस आणि ग्रामस्थांकडून या मुलांचा शोध सुरू आहे.
काल दुपारी 3.30 वाजण्याच्या सुमारास लवंगी गावात राहणारे शिवाजी रामलिंग तानवडे हे भीमा नदीमध्ये पोहण्यासाठी गेले होते.
समीक्षा शिवाजी तानवडे (वय 13, इयत्ता आठवी), अर्पिता शिवाजी तानवडे (वय 12, इयत्ता 7 वी), आरती शिवानंद पारशेट्टी (वय 12, इयत्ता 7 वी) आणि विठ्ठल शिवानंद पारशेट्टी (वय 10, इयत्ता 5 वी) अशी बुडालेल्या मुलांची नावे आहेत.
शनिवारी दुपारी 3:30 वाजता शिवाजी रामलिंग तानवडे (वय 40, रा. लवंगी, ता. द. सोलापूर) हे भीमा नदीमध्ये पोहण्यासाठी गेले होते. थोड्या वेळाने त्यांच्या पाठीमागे तिच्या दोन मुली समीक्षा व आर्पिता तर त्यांच्या सोबत मेव्हण्याचा मुलगा विठ्ठल व मुलगी आरती असे चौघे नदीकडे गेले.
शिवाजी यांनी त्यांना घराकडे पाठवून दिले. शिवाजी हे पोहत नदीमध्ये आत गेले असताना थोड्या वेळाने ते चौघे परत नदीमध्ये पोहण्यासाठी उतरले. मुलगी समीक्षा हिला पोहता येत होते. परंतु अर्पिताला पोहता येत नव्हते. त्यावेळी ते चौघे नदीपात्रात अंघोळीसाठी उतरले. समीक्षा हिस पाण्यात पोहत असताना आरतीने पकडले व अर्पिता हीस विठ्ठल याने पकडल्याने ते चौघे बुडू लागले.
यावेळी त्यांचा आवाज ऐकून शिवाजी लगेच त्यांच्याजवळ पोहत जाऊन समीक्षा व आरती यांना थोडेसे बाजूला किनार्‍याजवळ सोडले. अर्पिता व विठ्ठल यास सोबत कडेला आणत असताना पाहिले असता समीक्षा व आरती या पाण्याच्या प्रवाहामुळे पुन्हा बुडाल्या. त्यावेळी शिवाजी यांच्या हातातील विठ्ठल व अर्पिता पण निसटले व ते पण बुडाले.
त्यावेळी शिवाजी यांचा ही धीर सुटल्याने तेही बुडू लागले. त्यावेळी त्याचे नातेवाईक राचाप्पा उर्फ अप्पू संगप्पा पारशेट्टी याने शिवाजी रामलिंग तानवडे यास बाहेर काढले. दरम्यान, उजनीचे पाणी सोडल्याने दूथडी भरून वाहणार्‍या भीमा नदीच्या पाण्यात बुडालेल्या या मुलांचा रात्री उशाशिरापर्यंत शोध सुरू होता.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
