कर्नाटकातून मंगळवेढयाकडे येणारा गुटखा पकडला, दोघांविरूध्द गुन्हा दाखल

टीम मंगळवेढा टाईम्स ।

कर्नाटक राज्यातून मोटर सायकलवरून मंगळवेढयाकडे येणारा 7 हजार रुपये किमतीचा गुटखा अन्न औषध प्रशासन विभागाने पकडून अर्जुन साबळे (वय 28),सर्जेराव साबळे (रा.हंगिरगे ता. सांगोला) या दोघाविरूध्द गुन्हा दाखल करण्यात आला आहे.

महाराष्ट्रात गुटखा विक्रीस बंदी असतानाही लगत असलेल्या कर्नाटक राज्यातून मोठया प्रमाणात चोरटया मार्गाने गुटखा मंगळवेढयातून अन्य भागामध्ये विक्रीसाठी जात असतो.

या गुटख्याची वाहतूक होत असल्याची माहिती अन्न औषध प्रशासनाचे मंगेश लवटे यांना मिळताच त्यांनी दि.7 रोजी 10.30 च्या दरम्यान हुन्नूर येथे सापळा लावला असता वरील दोघे आरोपी एम एच 45 डब्ल्यू 2135 या मोटर सायकलवरून अवैधरित्या 7 हजार रुपये किमतीचा गुटखा घेवून जात असताना मिळून आले.

याची फिर्याद अन्न औषध प्रशासन विभागाचे मंगेश लवटे यांनी दिल्यानंतर वरील दोघांविरूध्द गुन्हा दाखल करण्यात आला आहे.

दरम्यान, गुटखा विक्रीसाठी शासनाने नवयुवकांचे हित जोपासत बंदी घातली आहे.यामध्ये शासनाचा मोठया प्रमाणात महसूल बुडत असतानाही शासनाने केवळ तरूणांचे हित डोळयासमोर ठेवून हा निर्णय घेतला असतानाही प्रशासनाच्या डोळेझाकपणामुळे शहरात व ग्रामीण भागामधून पानटपरी,हॉटेल्समधून खुली विक्री होतानाचे चित्र आहे.

शासनाने हाती घेतलेले ध्येय शंभर टक्के पुर्णत्वास जात नसल्याने सुज्ञ नागरिकांतून संताप व्यक्त होत आहे. खुले आम गुटख्याची विक्री सुुरु असताना केवळ डोंगर पोखरून उंदीर मारण्याचा प्रकार घडल्याची तिखट प्रतिक्रिया या घटनेनंतर सर्वत्र व्यक्त होत आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9970 76 6262 हा आमचा नंबर.