मंगळवेढा टाईम्स न्युज नेटवर्क ।
मला जगण्याचा कंटाळा आला आहे’, अशी चिठ्ठी लिहून सतरा वर्षाच्या स्नेहा सौदागर गायकवाड (रा. तरडगाव, ता. मोहोळ) या मुलीने दयानंद कॉलेजच्या हॉस्टेलमध्ये गळफास घेऊन आत्महत्या केली. ही घटना मंगळवारी (दि. २२) सायंकाळी ६ वाजण्याच्या सुमारास उघडकीस आली.
दरम्यान, या घटनेची माहिती मिळताच नातेवाइकांनी हॉस्टेल गाठत तेथील प्रशासन अधिकाऱ्यांवर कारवाई करावी, अशी मागणी करत रास्ता रोको आंदोलन केले.
मृत स्नेहा गायकवाड ही दयानंद कॉलेजमध्ये अकरावीच्या विज्ञान शाखेत शिकत होती. ती काही दिवसांपूर्वी गावी गेली होती. तिला तिच्या पालकांनी मंगळवारी सकाळीच हॉस्टेलमध्ये आणून सोडले.
दरम्यान, सायंकाळी ६ वाजण्याच्या सुमारास तिने रूममध्ये कोणी नसल्याचा फायदा घेत ओढणीच्या साहाय्याने फॅनला गळफास घेतला. आपल्या मुलीला लटकलेल्या अवस्थेत पाहून आईवडिलांनी टाहो फोडला.
शिवाय, या घटनेला जबाबदार असणाऱ्या महिला अधिकाऱ्यावर कारवाई करण्याची मागणी करत रास्ता रोको आंदोलन केले. पोलिसांनी कारवाई करण्याचे अश्वासन दिल्याने नातेवाइकांनी आंदोलन मागे घेतले.
सायन्सला मिळाले ६२ टक्के
स्नेहा ही मंगळवारीच हॉस्टेलवर आली होती. सकाळी अकरावीचा विज्ञान शाखेचा निकाल घोषित करण्यात आला. यात तिला ६२ टक्के गुण मिळाले, या आनंदातून तिने आपल्या भावाला,
पित्याला फोन करून ही माहिती दिली अन् सायंकाळी तिचा मृतदेह पहायला मिळाला असे वाटले नव्हते म्हणत तिच्या आईवडील छाती बडवून घेत होते.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
