सोलापूर ब्रेकिंग! ‘हे’ ऍप डाउनलोड करायला सांगून केली फसवणूक, महिलेच्या खात्यातून दीड लाख ट्रान्स्फर केले

याबाबत प्रज्ञा प्रमोद सुरवसे (वय 38, रा. सुदेष्णा विहार, सात रस्ता, सोलापूर) या महिलेच्या फिर्यादीवरून सदर बझार पोलिस ठाण्यात गुन्हा दाखल करण्यात आला आहे.

प्रज्ञा सुरवसे यांच्या घरातील मिक्‍सर बंद पडल्याने दुरुस्तीसाठी त्यांनी कंपनीच्या कस्टमर केअर नंबरवर फोन लावला.

त्यानंतर त्यांच्या मोबाईलवर अनोळखी नंबरवरून फोन आला व समोरून बोलणाऱ्या व्यक्‍तीने दुरुस्तीसाठी येणाऱ्या व्यक्तीसाठी 10 रुपये चार्ज लागेल व ते पैसे क्‍यूएस या ऍपवरून पैसे पाठविण्यास सांगितले

त्या वेळी सुरवसे यांनी क्‍यूएस ऍप डाउनलोड करून माहिती भरत असताना संशय आल्याने त्यांनी नेट बॅंकिंग करण्यास सांगितले.

दरम्यानच्या काळात त्या अनोळखी व्यक्तीने सुरवसे यांना बोलण्यात गुंतवून ठेवून त्यांच्या बॅंक खात्यातून 1 लाख 52 हजार 895 रुपये ट्रान्स्फर करून त्यांची फसवणूक केली. म्हणून सदर बझार पोलिस ठाण्यात गुन्हा दाखल करण्यात आला आहे. पोलिस निरीक्षक संजय पाटील तपास करीत आहेत.