खळबळ! पिग्मी एजंटला शस्त्राचा धाक दाखवून पैशाची बॅग पळविली

मंगळवेढा टाईम्स न्युज नेटवर्क ।

दोन दुचाकींवरून आलेल्या चौघांनी मिळून तीक्ष्ण हत्याराचा धाक दाखवून आणि डोळ्यात चटणी टाकून पिग्मी एजंटच्या हातातून बॅग पळविली.

चौघांपैकी एकाने पिग्मी एजंटच्या मानेवर, पाठीवर चावा घेऊन जखमी केले. ही घटना काल सोमवारी रात्री ९:४५ च्या सुमारास सांगोला शहरांतर्गत राऊत मळा येथे घडली.

दरम्यान, घटनेची माहिती मिळताच राऊत मळा परिसरातील तरुणांनी घटनास्थळी धाव घेतली. जखमी पिग्मी एजंटला उपचारासाठी सांगोला ग्रामीण रुग्णालयात दाखल केले आहे.

आबासाहेब अशोक राऊत (रा.राऊत मळा, सांगोला) असे जखमी पिग्मी एजंटचे नाव आहे. आबासाहेब राऊत हे विजय नागरी पतसंस्थेत लिपिक पदावर काम करीत असून ते पिग्मीही गोळा करतात.

दरम्यान, सोमवारी पिग्मी गोळा केल्यानंतर रात्री ९:३० च्या सुमारास दुचाकीवरून राऊत घराकडे निघाले होते. त्यावेळी दोन दुचाकींवरून आलेल्या चौघांनी त्यांची दुचाकी अडवली व धारदार शस्त्र दाखवून चिलाराच्या झाडात घेऊन गेले.

त्या ठिकाणी त्यांना मारहाण करीत असताना त्यांच्या ओरडण्याचा आवाज ऐकून एक तरुण मदतीला धावून गेला.

मात्र त्यालाही धारदार शस्त्रांचा धाक दाखवल्याने तो तिथून पळून गेला. पोलिसांनी माहिती मिळताच ग्रामीण रुग्णालयात जाऊन घटनेची चौकशी केली.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज