फार्मर मॉलच्या वतीने आज बेगमपूरात शेतकरी सन्मान व शेतकरी मेळाव्याचे आयोजन; पाऊस आल्यास मंगल कार्यालयात होणार कार्यक्रम; येणाऱ्या प्रत्येक शेतकऱ्यांना भेट वस्तू

टीम मंगळवेढा टाईम्स ।

अत्याधुनिक काळामध्ये नोकरीपेक्षा शेती हा उद्योग सर्वश्रेष्ठ आहे. तो अत्याधुनिक पद्धतीने कसा करावा, शेतमालाचे मार्केटिंग कसे करावे? यासह आदर्श शेतकरी सन्मान सोहळ्याचे आयोजन फार्मर मॉल व फिनोलेक्स पाईप्स अँड फिटिंग्ज यांच्या संयुक्त विद्यमाने आज सकाळी 11 वाजता फार्मर मॉल घोडेश्वर (ता. मोहोळ) येथे उद्योगपती जनार्धन शिवशरण यांच्या मार्गदर्शनाखाली करण्यात आले आहे.

पाऊस आल्यास मंगल कार्यालयात होणार कार्यक्रम

शेतकरी सन्मान व शेतकरी मेळावा कार्यक्रम पाऊस असल्यास फार्मर मॉलच्या समोर असलेल्या विश्वजीत मंगल कार्यालयात कार्यक्रम घेतला जाणार आहे.

येणाऱ्या प्रत्येक शेतकऱ्यांना गिफ्ट

फार्मर मॉल यांनी आयोजित केलेल्या शेतकरी सन्मान व शेतकरी मेळाव्यास येणाऱ्या प्रत्येक शेतकऱ्यांना फिनॉलेक्स कंपनीची छत्री भेट दिली जाणार आहे.

उत्तम भोजन व्यवस्था

फार्मर मॉल यांनी आयोजित केलेल्या शेतकरी सन्मान व शेतकरी मेळावा संपल्यानंतर सर्वांना उत्तम भोजन व्यवस्था करण्यात आली आहे.

आदित्य इरिगेटर्स २७ वर्षापासून शेती मटेरियल उद्योगांमध्ये प्रसिद्ध आहे. त्याच उद्योगाचे नूतन नामांतर फार्मर मॉल असे करण्यात येणार आहे.

याचे औचित्य साधून सोलापूर जिल्ह्यातील प्रत्येक तालुक्यातील माती जमा करून या मातीस लक्ष्मी समजून लक्ष्मीची भव्य अशी शेतकऱ्यांच्या उपस्थितीमध्ये दुग्ध अभिषेकाने पूजा करण्यात येणार आहे. त्याचबरोबर जिल्ह्यातील नामवंत शेतकऱ्यांना आदर्श शेतकरी पुरस्काराने सन्मानित करण्यात येणार आहे.

या कार्यक्रमाचे उद्घाटन पंढरपूर-मंगळवेढा विधानसभा मतदारसंघांचे आमदार समाधान आवताडे यांच्या हस्ते होणार आहे. या कार्यक्रमात वसंतराव नाईक मराठवाडा कृषी विद्यापीठ परभणी या विद्यापीठाचे उपसंचालक संशोधक तथा विभाग प्रमुख डॉ. हरिहर कौसडीकर यांचे जमिनीचे आरोग्य आणि पोषण कसे करावे.

या विषयावर तर प्रयोगशील शेती अभ्यासक बालाजी लोहकरे यांचे टोमॅटो, कलिंगड व खरबूज शेती या पिकावर, तर रावसाहेब गरदडे यांचे ऊस व्यवस्थापन या विषयावर मार्गदर्शन होणार आहे.

या मेळाव्यास जिल्हासह परिसरातील शेतकऱ्यांनी मोठ्या संख्येने उपस्थित राहावे. असे आवाहन फार्मर मॉलच्या मुख्य कार्यकारी अधिकारी करुणा जनार्धन शिवशरण यांनी केले आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज