टीम मंगळवेढा टाईम्स ।
मंगळवेढा शहरातील विविध पक्षाचे पदाधिकारी, विविध सामाजिक संघटना , सर्व सार्वजनिक उत्सव मंडळे यांच्या प्रयत्नाने मंगळवेढ्यात महापुरुषांच्या पुतळ्यांची उभारणी लोकवर्गणीतून करण्यात येणार असून शिक्षण प्रसारक मंडळाचे अध्यक्ष अँड.सुजित कदम यांचेकडून मंगळवेढ्यात शहरातील शिवप्रेमी चौकातील छत्रपती शिवरायांच्या अश्वारूढ पुतळ्यासाठी दोन लाख रूपयांचा निधी समितीकडे देण्यात आला.
याप्रसंगी नगरसेवक राहुल सावंजी , सोमनाथ माळी, सतीश सावंत, अॅड . सचिन गोसडे, आनंद मुढे, बालाजी शिंदे, महेश दत्तू, चंद्रकांत काकडे, अशपाक काझी, नागेश भगरे, अण्णा दत्तू, संभाजी घुले, विनायक दत्तू, विजय दत्तू भैय्या साळुखे, सागर कसगावडे आदी उपस्थित होते.
दरम्यान, गेल्या अनेक वर्षांपासूनची शिवरायांच्या पुतळ्याची मागणी लवकरच पूर्णत्वास येणार असून अॅड.सुजित कदम यांच्या या दातृत्वामुळे पुतळा बसवण्याचे काम आणखी वेगात सुरू होण्यास मदत होणार आहे. सदर पुतळे करण्याचे काम पुण्यातील सुप्रसिद्ध मूर्तिकार महेंद्र धोकटे यांना दिले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
