टीम मंगळवेढा टाईम्स।
रत्नागिरी-कोल्हापूर मार्गावरून येणाऱ्या गॅस टॅंकरमधून भरवस्तीत आणि आडरानात रात्रीच्या वेळी सुरू असलेल्या अवैध गॅस रिफिलिंगमुळे मंगळवेढा परिसरात खळबळ उडाली आहे.
काही महाठग व्यावसायिक स्वार्थासाठी लोकांच्या जीवाशी खेळत असून, या प्रकारामुळे कधीही मोठी दुर्घटना घडून जीवितहानी होण्याची भीती व्यक्त केली जात आहे.
काय आहे धक्कादायक प्रकार?
मिळालेल्या माहितीनुसार, रत्नागिरी आणि कोल्हापूरवरून येणारे हे गॅस टॅंकर थेट डेपोला न जाता वाटेतच मंगळवेढा परिसरातील आडवाटा किंवा निर्मनुष्य ठिकाणी थांबवले जातात.
तिथे आधीच सज्ज असलेले काही व्यावसायिक टॅंकरमधून पाइपद्वारे मोकळ्या गॅस टाक्यांमध्ये गॅस भरण्याचे काम करतात. अशा प्रकारे अवैध मार्गाने भरलेला गॅस नंतर चढ्या भावाने बाजारात विक्री केला जातो.
जीवघेणा निष्काळजीपणा
अत्यंत ज्वलनशील असलेल्या एलपीजी गॅसची ही हाताळणी कोणतीही सुरक्षा यंत्रणा नसताना केली जात आहे. गॅस भरताना होणारी थोडीशी जरी चूक मोठ्या स्फोटाला आमंत्रण देऊ शकते. तरीही, रातोरात श्रीमंत होण्याच्या हव्यासापोटी हे व्यावसायिक परिसरातील नागरिकांच्या जिवाशी खेळत आहेत.
हा प्रकार गेल्या अनेक वर्षांपासून सुरू असल्याचे बोलले जात आहे. या अवैध व्यवसायातून अनेकांनी कोट्यवधींची माया गोळा केली आहे. विशेष म्हणजे, इतकी वर्षे हा काळाबाजार बिनदिक्कत सुरू असल्यामुळे यामागे काही प्रभावी व्यक्तींचे लागेबांधे असावेत, अशी चर्चा सध्या मंगळवेढ्यात रंगली आहे.
नागरिकांची मागणी
अवैध गॅस रिफिलिंगमुळे सरकारी महसुलाचे मोठे नुकसान होत आहेच, पण त्याहून गंभीर बाब म्हणजे मानवी जीव धोक्यात आहे. जिल्हा प्रशासन आणि पोलीस यंत्रणेने याकडे तातडीने लक्ष देऊन रात्रीच्या वेळी होणाऱ्या या हालचालींचा शोध घ्यावा आणि या महाठगांवर कडक कारवाई करावी, अशी मागणी सजग नागरिकांकडून होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
